Zum Geburi hani dr’Manu es paar Silber-Ohrringe gschenkt. Sie gfaue ihre sehr u so het sie se du o grad treit. Das freut mi natürlech umso meh, wenni mim Meitschi cha e Freud mache.
Lang hei mir nume dervo gredt, u hüt isches tatsächlech z’Stang cho. Mir hei üs „Lord of the Rings – Fellowship of the Ring“ inezoge. Für einigi isches sogar ds’erschte Mau gsi!
Happy Birthday, Conny! Du hesch es flotts Fescht organisiert u üs hets gfreut dörfe verbi z’cho.
Mir hei üs finalement für ne Chinderwage chönne entscheide u hei diese de o grad bsteut. I merke wie’s langsam ernst wird :)
So geil! I bi hüt früehzytig mis grüene L losworde… Wie sech het usegsteut hani Arecht ufe Uswies nach autem Schema wüu i bereits 2002 mau ha e Lehrfahruswies beatreit =)
Dir sit so irri Schaf! Zu mire grosse Überraschig u Freud si hüt es haubs Dotze Fründe vor dr’Tür gstange u hei drufabe mit üs dr’Match gluegt.
Ds’Reby u dr’Lüku si bi üs verbi cho zum Brunch und aschliessend e Namitag lang z’spiele. Einisch meh het sech üse Spontan-Chouf vor SwissToy (ds’Spiu „Las Vegas“) aus Glückgriff erwiese :)
Mir hei nomau guet Züg usegruumt, furtgschosse u e chline Teil id’Brocki bracht. Ir Brocki het d’Manu de grad e günstige u schöne Römertopf gfunge.
Wüu dr’Schrank vom Ricardolino-Chinderzimmer nid i Audi passt het, het dr’Abieter ne churzerhand bi sich iglade u isch üs vo Bern uf Heimberg nachegfahre. Das isch huere flott, da bini echt baff!
Itz müesse mir mau e grossi Umrumete mache u de gits de o es Fotos oder 2 vom neu igrichtete Zimmer 🙂