Archives by date

You are browsing the site archives by date.

Nachemne Juli mit viune Feschtli ha ig nachem 1. Ougschte beschlosse e Alkohou-freie Ougschte z’mache, wo ig soebe ohni Abstriche cha erfougriche abschliesse.

Published on 31. August 2015 by Pädu Wäger

Es het es dr’eint oder anger Moment gä woni gärn hatt agstosse, aber abgseh vo dem hani nie drum truuret oder ds’Riisse gha.

Mir sy in Excenevex zure Wuche Glamping (Glamour Camping) acho und hei üses vorinstallierte Wohnmobil chönne i Bezug nä. Das wird sicher e gmüetlechi Wuche.

Published on 31. August 2015 by Pädu Wäger

Ferie :)

Published on 28. August 2015 by Pädu Wäger

Ds Schueujahr het agfange und dementsprächend o s MuKi-Turne. D’Sandra und ig sy jetz für dises Jahr offizieu agmäudet. Di drü Mönet warte hei grad vieu bracht. Sie het fasch die ganz Stung möge mitspiele und mitseckle. S Thema hüt isch gsy: Mir gö (imaginär) id Badi – ä chlyni Staffete im Sinn vo „i packe mini Badtäsche“ u när hets no e chlyne Poschtelouf gäh, wome mit Matte, Bänkli, Barre etc Wasserrutschine und Sprungbrätt u was mä haut so cha mache ir Badi nachegsteut het. D’Sandra het ei riise Fröid gha (u es het äuä bim umeseckle keni so gschwitzt wie ig).

Published on 27. August 2015 by Pädu Wäger

I ha mir mit Manus Hiuf d’Haar gfärbt (oder äbe la färbe), u das nid mau wäge de graue Haar (wovon ig ja eh kener ha :)), sondern wüu ig chürzlech es äuters Foto ha gseh vo mir mit gfärbte Haar.

Published on 26. August 2015 by Pädu Wäger

I ha der Sandra vor ere Wuche e Badeponcho bsteut, da s Badmänteli wosi vo Götti Mike het, langsam chly chlii isch worde. Mir heine ömu grad sofort müesse aprobiere ;)

Published on 26. August 2015 by Manu

Recht spontan hei mir üs entschiede bi däm soso-lala Wetter e Bsuech im Tierpark Dählhölzli z’mache – o chli ir Hoffnig es syg de nid gstungget vou. D’Sandra het viu Tier chönne bestuune u het o no daheime viu vo de gsehne Tier i ihrne Büechli nomau füre gsuecht.

Published on 23. August 2015 by Pädu Wäger

Alternativ

irgend es Äffli

e grüene Papagei (?)

Seehund: "Ey, was guggst du?"

Seehund im Wasser

Schiudchröt

guet tarneti Schlange

Leopard het mi entdeckt

Leopard im Profil

ungladne Mitesser

Zwe Bäre

Bär am Wasser trinke

nid registrierts Tier im Zoo

Manu: "Hä, wo simer?"

Wouf

Wouf

Wisent (e Art e Bison)

Jungi Wisents

Hirschchüeh (NID Reh!)

Hirsch

Miner Froue loufe ufem Steg

D'Sandra telefoniert mit öpperem

Was isch äch da usbroche?

Papageietoucher

Papageietoucher-Siedlig

D'Sandra secklet uf mi zue

stouzes Mami

am Päpu am umegoggere

irgend e Fisch (eher dick)

e angere Fisch (eher läng)

üsi Tochter meischteret dr'Chötti-Vorhang

Es Tier wo "Grossi Blueme" heisst

Bi dem schöne Wetter hei mir üsi chürzlech gchoufti Wasserballon-Abfüllmaschine usprobiert und dr’Sandra totau a die 100 Wasserballön gmacht :) Sie het viu Freud gha a de Ballöne und dr’ganz Rase abgschosse.

Published on 22. August 2015 by Pädu Wäger

D’Hockey-Saison het agfange miteme Match us dr’Champions Hockey League – IFK Helsinki gäge üse SCB. Am 9. Septämber geit de o d’Regular Season wieder los. Hach, wie mir üs druf freue!

Published on 21. August 2015 by Pädu Wäger

Nachdem i geschter e ganze Tag dranne vergrüblet ha, isches mir hüt glunge dä Bug uf dr’Website uf iPhones z’lokalisiere und entsprechend o z’behebe.

Published on 20. August 2015 by Pädu Wäger

Um ehrlech z’sy cha ig mir nach wie vor no nid würklech erkläre was d’Zämgehäng vo Ursach und Fehlverhaute genau isch. Es isch haut eine vo dene schregä Bugs wo irgendwie passiere ohni irgendere Logik z’Grund z’liege – EDV haut 🙂