I ha es chlises Video gmacht wo zeigt wie d’Sandra versuecht ihrer chline Schwöster Socke a’zlege. Sie het nume mässig Erfoug…
Grosi und Grösi sy z’Bsuech cho und so hei sech dr’Grösi und d’Laura o z’erschte Mau gseh und lehre kenne.
D’Manu het sech die letschte Täg i ds’Züg gleit zum dr’Sandra e eigete Adventskalender z’bastle.
Diese Abe sy miner Ricardo-Auktione für PlayStation3, Games und Lenkrad fertig worde und totau isch meh zäme cho aus ig im Vorfeud erhofft ha. So gfaut’s – meh Batzeli u meh Platz :)
D’Sandra unterstützt mi, wosi nume cha mitem Bebe… Neuerdings düe mer o solidarisch Stille (es isch zwar chly müehsam, dass sie d’Hose jedes mau grad abzieht..).
Mir hei üs die Wuche entschiede hüt es feins Raclette z’ässe, und lueg itz, itz faht’s doch pünktlech derzue no afa schneie :)
Woni mit de Ching hüt im Chäuer bi gsy, isch mer d’Spieuzüg Röhre us der IKEA id Finger gheit, womer voreme Zytli für d Sandra gkouft hei, sie aber no nüt drvo het wöue wüsse. D’Sandra het dä Nami när zimlech ihre Spass gha dermit :)
Mir hei d’Biuder vor Photographin usem Spitau übercho.
I bi mit dr’Bohne ga ichoufe und bi bir Kasse agsproche worde und ha Lob erhaute: „Schön, mau wieder e normale Name zghöre für nes Ching, u nid so Öppis moderns wo niemer weiss wie schrybe“. Made my day :)
No es paar chlini Infos zu dere Person: er isch männlech gsy, knapp jünger aus ig und schynbar o am plane für Familie über-nächscht Jahr.