Syufester! Üsi Spiu-Gruppe het sech zu feinem Raclette troffe zum gmeinsam i ds’neue Jahr z’rütsche. Während em Fürwerch sy mir de (so rein us blöd) mitem Laser-Schwert im Garte am umefuchtle gsy :D Published on 31. Dezember 2015 by Pädu Wäger
Dr’John u sini Partnerin Sandra sy üs no grad im abtrende Jahr cho bsueche. Mir hei guet zäme taflet, dorfet u o es Müh gügelet. Published on 29. Dezember 2015 by Pädu Wäger
I ha i mim Umfäud chli PC-Support gmacht dieses Jahr und ha itz grad dr’zwoit Tag in Folge Honorar übercho derfür. Das git es guets Gfüeu we d’Arbeit gschätzt wird u het mi bsungers gfreut wüu ig’s nid erwartet ha. Published on 28. Dezember 2015 by Pädu Wäger
Hüt hei mer e Familieusflug zum Chinderarzt gmacht, wöu beidi Töchtere id Kontroue hei müesse. D‘ Sandra isch mittlerwile jetz o scho 13,6 kg und 92,5 cm gross. U bir Laura hei mer 58 cm und 5kg 90 gramm gmässe. Published on 28. Dezember 2015 by Manu
Mir sy mit dr’Familie Moor uf Heimeschwand ueche ga brunche u hei so schöns Wetter bi super Ussicht chönne gniesse. Glichzytig heino grad Gotte u Götti, sowie Gotte- u Götti-Meitschi chönne ihrer Gschenk übergä. Published on 28. Dezember 2015 by Pädu Wäger
U no grad einisch hei mir bi üs zu Raclette iglade. Diesmau hei mir mit dr’ganze Site vor Manu zäme gfyret, was zure ordentleche Päckli-Sammlig gfüehrt het (obwou mir unger üs ja scho hei beschenkt). Published on 26. Dezember 2015 by Pädu Wäger
D’Laura macht zünftig Fortschritte – sie het itz erlickt, dass sie das hangende Stofftier säuber cha astubse und när bambelet’s u rasslet’s. Published on 25. Dezember 2015 by Pädu Wäger
Zum Wiehnachts-Fescht sy mis Mami u dr’Brösi zu üs cho u gmeinsam hei mir e gmüetleche Abe miteme feine Raclette verbracht. Published on 24. Dezember 2015 by Pädu Wäger
Mir hei Sandras Hochbett no chli erwiteret und en Art Vorhäng dra ghänkt wo us dr’ungere Etage es Spiu-Hüsli mache. D’Sandra het cheibe Freud dranne u ladet üs immer wieder i ebefaus drunger z’schnagge. Published on 23. Dezember 2015 by Pädu Wäger
So, e erschti Bastlete mit de Chetteglieder hani gschafft, und derbi e mengi Respekt entwicklet für die wo es kompletts Chettehemd säuber mache… Published on 22. Dezember 2015 by Pädu Wäger Dä bitz hie isch ca 30cm läng und 20 cm breit.