Ach, die schöne Momente wenn chlini Ching/Bebe Spinat esse (oder verteile) – i diesem Fau sogar z’erschte Mau überhoupt.
D’Sandra het hüt ihres Geburtstags-Gschenk iglöst und isch mit dr’Gotte Ste und em Unggle Jerry ä Namitag lang i Zoo. Wie mir ghört hei, het sie’s sehr gnosse, o wenn’s nid immer um d’Tier isch gange.
Mir hei üs när drufabe mit Sterrys bi ihne daheime troffe und no gmeinsam fein zNacht g’ässe.
D’Laura het die letschte Täg grad rächt vorwärts gmacht. No vor eirä Wuche isch sy nur mau zwüschdüre chly uf d Chnöi u wider abe… U jetz leit sie zum Teu bereits mehreri Meter zrügg.