Da mir nid ewig wei diskutiere zum üs entscheide was mir aus nächschts spiele, hei mir e Wunsche-Prioritäte-Lischte. Wer z’oberst uf dr’Lischte isch, het ds’Vorrecht es Spiu z’benenne wo itz gspiut wird.
We vo dem Vorrecht nid Gebruch gmacht wird (d’Person passt), de wird die nächschti Person gfragt, u die Nächschti und so witer, bis Öpper sis Vorrecht nutzt und es Spiu bestimmt.
Die Person wo sech Öppis wünscht gheit när a ds’Endi vor Lischte u aui wo mitspiele überchöme e Punkt uf ihres Solidaritäts-Mitspiu-Konto (d’Spalte mitem *).

Für Filler (-> Was isch e Filler?) bruche mir die Lischte auerdings nid, da werde mir üs o schüsch einig.

 

Minimali Spiuzyt pro Wunsch

Nid aui gwünschti Spiu gö glich lang – das isch bsungers dr’Fau wenn sech Öpper e Filler (zB Ligretto) wünscht.

Da mir wei fair bliebe und o nid gwüssi Spiu füre Wunsch unattraktiv mache, schla i hie no es paar Zuesätz vor:

1. We sechs bim gwünschte Spiu umne Filler handlet, de passe mir d’Siegbedingige so a, dass die zu erwartendi Spiuzyt im Bereich vo 90 Minute liegt (zB Ligretto uf 500 Punkt).
2. We ds’Wunsch-Spiu unger ere Stung fertig gspiut isch (zB 7 Wonders, evtl Resistance), de spiele mir no e zwoiti Rundi und chöme so o uf die ca 90 Minute Spiuzyt. We dr’Wünschend mit eire Rundi gnue het, muess mä natürlech nid 2 spiele 😉