-
I bi hüt ds Chonufinge go Chinder hüete. Aso Urs, Sara u üsi zwöi. Damit der räscht vor Familie cha Susis(Schwagers Mami) Hab und Guet zügle.
-
I ha hüt d’Laura bim vou konzentrierte Schaffe chönne ufnäh. Si het auso rächt Energie dri ine gäh u am Schluss si sicher sibe bis zäh Margritli i dä verschidene Öffnige vom Outöli ds Finge gsy 🙂
-
Mir sy d’Spiugruppe Spatzenäscht in Heimberg ga aluegenu d’Sandra het sech sofort wohl gfüeuht und mit angere Ching afa spiele. D’Laura het sech de gäge Schluss, wo weniger gloffe isch, o getrout säuber z’erkunde und spiele.
-
Itz wo Tage wieder wärmer wärde u mir meh und meh dusse hocke, hei mir üsser Chüssi usenang gno und neu igfärbt. Zwar es müh müehsam, so het sech’s doch sehr glohnt.
-
Während d’Sandra mau ume eis für paar Täg bi Grosi u Grösi i de Ferie isch, gniesse d’Laura und ig echli d’Zwöisamkeit. Es isch erschreckend ruhig dahei u trotzdäm u schön mau eifach chly Mami-Laura Zyt ds ha.
Der Laura ihres erschte Bad ohni Mami und Sandra – sie hets extrem gnosse. U es het so guet klappt, dass es ds Mami künftig i der Badwanne nümm brucht 😀
-
D’Girls und ig, mir hei das tolle Wätter gnosse hüt Nami. D’Laura hets mau probiert mit Schutte/Bäuele u isch jedesmau weni der Bau gworfe ha, bau vergiblet vor lache.
-
U wie scho letscht Samschtig, sy d’Sandra u ig hüt ds Thun unterwägs gsy.
Mir sy churz im LOEB gsy u hei di räschtlechi Zyt tierisch und ufem Spieuplatz verbracht. D’Änteli womer eigetlech hei wöue fuettere hei leider schnäu usegfunge, dases chly witer äne meh u grösseri Brot Bitze git… aber d’Sandra het sech o sehr über ds Erschine vo de Tube gfreut… und umgekehrt.
-
Ist die Katze aus dem Haus… tanzt die Maus 😂
D’Sandra isch hüt ume eis mitem Grosi go Schwümme. U genau wie ig mi a mini Chindheit ma erinnere, isch o d’Laura sofort bi Sandras Spieusache, wosi süsch nid darf bruche, sobaud di grossi Schwoscht s’Huus verlaa het. Hie spieut si grad gugus dada mit Sandras Nuschi u Sandras Woody 🙂
-
I ha e nöii Erziehigshiuf. Eis vo de Sache womer am SA gkouft hei (d’Sandra het dörfe s Tierli useläse – het aues mögleche gäh).
Ä Eieruhr miteme Hund druff. Es geit darum, dass d’Sandra gseht, wie lang sie no Zyt het um ihres Täuer läär ds Ässe, wöu sie immer dermasse am Trödle isch. U so dräit sech der Hund während ere Haubstund und wener d’Sandra aluegt, de tschäderet er u ds Täuer sött läär sy. Bis jetz funktionierts…
-
I hami jetz nachem füfte Bsuech i der Dameriege scho chly igläbt. Kenne meh oder weniger d’Näme u füehle mi aube richtig guet weni am Abe spät wider hei chume. I bi froh, hani dere Sach e Chance gäh.