Mir sy d’Spiugruppe Spatzenäscht in Heimberg ga aluegenu d’Sandra het sech sofort wohl gfüeuht und mit angere Ching afa spiele. D’Laura het sech de gäge Schluss, wo weniger gloffe isch, o getrout säuber z’erkunde und spiele.
Ach, wie die Ching äuter wärde. D’Laura cha mittlerwiele säuber Türe uftue – u plötzlech isch nüme sicher im Hushaut :)
D’Laura (u mir) het hüt Bsuech übercho vom Gotti Nina. Nach churzer Schücheli-Phase isch sie de aber schnäu uftout und het viu Freud gha – und öppe em Gotti o viu Freud bereitet.
Während d’Sandra mau ume eis für paar Täg bi Grosi u Grösi i de Ferie isch, gniesse d’Laura und ig echli d’Zwöisamkeit. Es isch erschreckend ruhig dahei u trotzdäm u schön mau eifach chly Mami-Laura Zyt ds ha.
D’Girls und ig, mir hei das tolle Wätter gnosse hüt Nami. D’Laura hets mau probiert mit Schutte/Bäuele u isch jedesmau weni der Bau gworfe ha, bau vergiblet vor lache.
Ist die Katze aus dem Haus… tanzt die Maus 😂
Am Nami simer mau wider eis i der Müettereberatig gsy. D’Laura misst jetz scho 82 cm u isch chly meh aus 10 kg schwär. D’Sandra het sech riisig gfreut, dass si der ganz Wäg mitem Trotti het dörfe mitcho. Und nach üsem Termin, si mer no es Cherli zu de Geissli go mache u hei das tolle Wätter gnosse.
Nachdäm d’Laura inzwüsche rächt guet dinne desume gwatschlet isch, het si sech hüt o ufem Terrasse- und sogar ufem Grasbode ohni Hiuf vorwärts gwagt.
Dr Manu isches glunge es Video z’mache vor Laura we sie am loufe isch. I de letschte Tage isch das meh aus einisch versuecht worde, aber d’Laura het sech de aube geng grad wieder häregsetzt…