-
Mir hei e gmüetleche Tag am Strand verbracht und d’Töchtere hei sech dörfe mit Sand (und Salz-Meer) vertrout mache. Dr’Sand isch dr’Hit für die Chline, aber ds’Meer behagt ne no nid so.
-
Mir hei üs mit Pidu (mi Götti) u sir Frou Therese troffe und sy zäme fein ga zNachte und hei derbi dorfet über Lloret, Spanie, Ferie u schüsch no auerlei.
-
Nachere lange Fahrt sy mir itz in Spanie acho und hei o grad üse Bungalow chönne bezieh. Ds’Wetter isch bombig (über 30° und kener Wouke).
D’Fahrt isch sehr guet gange. Mir hei kener Problem gha ungerwegs – weder Stou, verfahre, no quängelndi Ching).
-
Es isch ganz härzig, wie d’Laura im Moment aues hin u här rumt. Si schnagget mängisch i Sandras Zimmer u tuet zersch ufrume was am Bode ligt, bevor si füre rumt, was ihre grad so is Oug sticht 😉 Ds Ufgrumte befindet sech haut zum Teu nid ganz dert, wos de o häreghörti.
-
Itz isches endlech sowit – dr’Laura wachst dr’erscht Zahn und mä gspürt nä scho vei chli guet 🙂
Einzig gseh tue mä ne nod nid so recht, aber o das chunnt no.
-
Grosi u Grösi hei ume eis die ganzi Jungmannschaft zum Grille z’Schenke iglade – es het guet gmundet und so hei mir o ume eis Brösis Söhn gseh, was schüsch ja o nid eifach so passiert.
-
D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.
-
D’Sandra isch bim Grosi i de Ferie u die Glägeheit zu Wort z’cho het d’Laura umgehend gnutzt.
-
Bim Znacht ässe het d’Laura plötzlech agfange „Gugus, Dada“ z’spiele mit ihrem Nuschi. Da hei mir natürlech ghoufe mitspiele. MEHR ANZEIGEN
-
Auso, für dass es ufem Uswiszäntr het gheisse, am 28.6. chöm de d’ID vo der Laura, sy sie extreeem tifig gsy. Hüt isch die scho ir Post gsy.