Es isch scho ume Zyt fürne Bsuech bi der Chinderärzti. D‘ Laura het vous Programm gha, mit wääge (7360 gramm), mässe (65cm Körper, 43 cm Chopf) u gigsli mache. U o d’Sandra het ume eis mit dörfe. D’Sandra het nomau müesse ä Tescht mache wägem 3D gseh u dismau isch aues guet gsy. U bi Lauras ungersuechig het si ganz nach dörfe derbihocke und zueluege. Das het ihre schono so gfaue. Published on 25. April 2016 by Manu
I ha gester a Sandra’s Bäbi ändlech e aständegi Nuggichetti bastlet. S‘ erschte Bändeli woni mir Läbtig gchnüpft ha – u es het spass gmacht :) Published on 19. April 2016 by Manu
Mini chlyni Hushauthiuf… :) Published on 18. April 2016 by Manu Sie hiuft zum Teu wosi nume cha… Choche, Wösch sortiere u zämelegge, suge, putze…. Leider bini so nid grad schneuer mit Hushaute… 😁
D’Laura het hüt z’Mittag ihre erscht Brei dörfe ässe. Si het ca. 10-15 gramm möge probiere vom Rüebli-Härdöpfu-Brei. Published on 16. April 2016 by Manu
D‘ Sandra het mängisch so luschtegi Sätz wosi seit :) Nach em Bade, het si mi gfragt: Mami, du chasch mir mit äm Föhn d Haar wider warm mache? Published on 14. April 2016 by Manu
Hüt het mis Schwöschterhärzli d’Andrea dörfe ihre Geburtstag fyre. Mir sy zu Kaffee und Kuchen u zum ds‘ Nacht bi ihne gsy. I bi mit de Töchtere fangs via ÖV voraa u d’Sandra isch nid müed worde wiudfrömde Lüt ungerwägs ds Verzeue, dass si sech freut, wöu mer zum Gotti göh. No einisch: Happy Birthday Andrea :) Published on 13. April 2016 by Manu