Familie Wäger

D’Freunde alter Landmaschinen (Sektion Bern) hei ihres 20-jährige Bestehe gfyret und es grosses Fescht verastautet. Mir sy da o ga luege und hei chönne stuune abeme Traktor vo 1929. De Cheib het öppe 20 Minute bruucht zum starte 🙂

August 17, 2014
Nach geile säuber gmachte Burger hei mir Star Wars: Edge of the Empire (es Pen-and-Paper Rollespiu) gspiut. I ha mi derbi aus GameMaster versuecht und ha müesse merke, dass das cheibe astrengend isch…

August 16, 2014
Üsi chli Bohne faht itz richtig afa loufe. Mit Hiuf vom Rollator het sie ihri erschte Meter dür d’Wohnig zrügg gleit.

August 14, 2014
Chum e Wuche här, scho het d Sandra Poscht vom Amt übercho. Jetz isch o üsi chlini Bohne usgrüschtet mit ere ID.

August 12, 2014
I ha mau öppis neus probiert bezüglech Frisur/Chopfbehaarig.

Mini summerlechi Alegi isch em warme Wetter z’verdanke:

August 10, 2014
Dr Urs, üse gmeinsam Götti-Bueb, isch 7ni worde u geit abem Mänti de o scho id’Schueu. Wie d’Zyt vegeit.

August 9, 2014
Nachdäm d Sandra u ig superfein zMörgelet hei, hei mir üs am Nami parat gmacht für ihri erschti Identitätscharte. Sy isch mau wider sehr pflegeliecht gsy. Bereits s erschte Föteli hett mä chönne bruche. Ufem Heiwäg hett sy riise fröid gha, im Zug umezturne, u aues ds kommentiere wo si gseht :). Mä merkt nümm, dass si chrank isch gsy (ussert haut, das mä gseht, dass sy e biz het abgnoh).

August 7, 2014
Mi erscht Arbeitstag sit drü Wuche. Drfür grad e längi Schicht (15.00-22.00 inklusive Abschliesse vom Kafi). Es freut mi, dass i das Vertroue vo de Scheffe cha gniesse, dass si mi s Budeli zwüschdüre allei lö la schmeisse. Das tuet guet.

August 6, 2014
Mir drü sy hüt mit der Familie Eggima vo Chnoflige uf Morschach go bade i Swiss Holiday Park. Zwar het sech der Wäg dert häre rächt zoge (o nid zletscht, wöus er Sandra irgendwie nümm so passt het, allei hinge im Outo), aber d Badi isch cool gsy u mir hei aui üse Spass gha. Ufem Rückwäg sy mer ds Bärau im Adler no go z Nacht ässe. Isch u fein gsy – aber riiise Portione. Dahei isch d Sandra chum im Bett gläge, scho het si tief u fescht gschlafe.

August 5, 2014
D’Sandra u ig sy hüt ändlech der Renato (Kolleg vo der Privera) go bsüechle, nachdem mers jetz zwöi Mändige hei müesse verschiebe. Är het im Mai ä Härzinfarkt gha, so öppis schockt scho grad. Später sy mer no witer zu Grosmami u Ätti u hei dert der Abe la usklinge.

August 4, 2014