Familie Wäger

Imne Aflug vo Früehligsputzete hani au üser Papier- u Plastigsäck zämegsuecht und rigoros ussortiert. Die wo no guet si gibeni de witer ufene Hof oder a ds’Drachenescht, oder so.

Februar 2, 2013
I hami u gfröit, dass mr zu mim Geburiapéro so viu Lüt hei z Bsuech gha. Schön sit dr verbicho, s’isch super gsy! 🙂

Januar 30, 2013
Zum Geburi hani dr’Manu es paar Silber-Ohrringe gschenkt. Sie gfaue ihre sehr u so het sie se du o grad treit. Das freut mi natürlech umso meh, wenni mim Meitschi cha e Freud mache.

Januar 29, 2013
Lang hei mir nume dervo gredt, u hüt isches tatsächlech z’Stang cho. Mir hei üs „Lord of the Rings – Fellowship of the Ring“ inezoge. Für einigi isches sogar ds’erschte Mau gsi!

Januar 27, 2013
Happy Birthday, Conny! Du hesch es flotts Fescht organisiert u üs hets gfreut dörfe verbi z’cho.

Januar 26, 2013
Mir hei üs finalement für ne Chinderwage chönne entscheide u hei diese de o grad bsteut. I merke wie’s langsam ernst wird 🙂

Januar 26, 2013
So geil! I bi hüt früehzytig mis grüene L losworde… Wie sech het usegsteut hani Arecht ufe Uswies nach autem Schema wüu i bereits 2002 mau ha e Lehrfahruswies beatreit =)

Januar 24, 2013
Dir sit so irri Schaf! Zu mire grosse Überraschig u Freud si hüt es haubs Dotze Fründe vor dr’Tür gstange u hei drufabe mit üs dr’Match gluegt.

Januar 22, 2013
Ds’Reby u dr’Lüku si bi üs verbi cho zum Brunch und aschliessend e Namitag lang z’spiele. Einisch meh het sech üse Spontan-Chouf vor SwissToy (ds’Spiu „Las Vegas“) aus Glückgriff erwiese 🙂

Januar 20, 2013
Mir hei nomau guet Züg usegruumt, furtgschosse u e chline Teil id’Brocki bracht. Ir Brocki het d’Manu de grad e günstige u schöne Römertopf gfunge.

Januar 19, 2013