Die neuschti Mode vor Laura isch, ihri Socke ab z’zieh und gnüsslech druf/dran ume sabbere (so richtig flotsch nass). So tiffig wie sie fang dr’Socke abem Fuess bringt, lö mir guet u gärn es haubs Dotze Socke düre pro Tag.
Manus neue SCB-Dress mitem säuber definierte Wunsch-Ufdruck isch fertig, und es gseht sehr schön us.
I ha chürzlech bim Schnyder e Modifikation vom Fell-Chrage i Uftrag gä. Itz hani’s chönne ga hole u bi rundum z’friede… Dank em neue Rieme chani dr’Chrage richtig satt zuezieh so dass kes Lüftli meh mi Haus erreicht; ideal für die frostigi Jahreszyt.
I ha dr’Azug woni letscht Wuche usprobiert u bsteut ha, chönne ga hole. D’Apassige vor Schnyderinpasse sehr guet – i bi sehr z’friede.
I bi mit dr’Ste mi Hochzyts-Azug ga ussueche. I bi glücklech mit mire Wahl u finge es stöng mir soumässig guet :)
Endlich isch ds’Wetter u Temperature wieder besser worde u so hani mir d’Glegeheit nid la nä u ha prompt die churze Hose montiert.
Itz uf die chaute Täge häre hani mir es neus paar Schueh gchouft wo inne gfüetteret si, aber glich nid so chlobig würke. I ha se de o grad amne SCB-Match chönne uf d’Wärme-Prob steue – Bestande :)
Uf mire Suechi nachere richtig geile Läderjagge bini bi „Leder Mavip“ in Wabere fündig worde.
I ha o no mi Azug bim Schnyder chönne ga reiche und de o grad amne wichtige Meeting z’erschte Mau trage.
