-
Nachdem i geschter e ganze Tag dranne vergrüblet ha, isches mir hüt glunge dä Bug uf dr’Website uf iPhones z’lokalisiere und entsprechend o z’behebe.
Um ehrlech z’sy cha ig mir nach wie vor no nid würklech erkläre was d’Zämgehäng vo Ursach und Fehlverhaute genau isch. Es isch haut eine vo dene schregä Bugs wo irgendwie passiere ohni irgendere Logik z’Grund z’liege – EDV haut 🙂
-
Hüt hani vomene Chund es überschwänglechs Kompliment übercho wüu er isch verblüfft gsy wie schnäu mir so tricky Problem, wo nume schwer (bis gar nid) z’erkläre sy, chöi löse u er wieder cha schaffe. Das tuet guet u macht Freud.
-
Hüt hani e „relativ“ eleganti Lösig gfunge zum bi generierte Mails so z’tüe aus wäre Attachments dranne obwou aui Files nume ufem Server liege.
I generiere chlini .html Dateie wo es simpus JavaScript Redirect enthaute uf d’File-URL. So bliebe d’Dateie ufem Server u choi immer aktualisiert werde, es werde weniger Date versendet (in KB/MB gmässe) und d’Mail-Postfächer vo de Empfänger platze nid glich. Wenn ig’s itz no irgendwie e Weg würd finge zum d’Datei-Icons im Mail-Program z’beiflusse wär ig…
-
I ha e neui IDE gfunge wo mi grad recht us de Socke hout. Im Verglich isch ds bisherige Tool zum programmiere fasch nume no e Text-Editor 🙂
-
I ha e Bug wo mi scho syt Wuche immer mau wieder het beschäftiget (bi nid unungerbroche dranne gsy) ändlech chönne behebe und dür das ds’Projekt so z’säge chönne abschliesse.
-
Uff, die Wuche hets durchus in sich gha. I ha e Schweti vo chline Änderige und Ufgabe gha, und so es paar Überstunde gsammlet. Aber itz isch ume viu besser, ha ig doch öppe aui mini Pendenze chönne abschliesse.
-
E ganze Tag bini hinger mim Import-Script ghocket und ha gfutteret. Aber es het sech glohnt – i ha dr’Datedurchsatz fasch chönne verdopple und glichzytig d’RAM-Belastig um ~90% reduziere (vo über 1 GB uf ca 90 MB).
-
Ds’Coding-Problem woni i de letschte Tage jewius vor mi hergschobe ha, het sech viu eifacher la löse aus erwartet. Woni mi ha dra gsetzt het sech dr’Code fasch vo alleini gschrybe u sofort funktioniert.