-
Wüu ds’Zündschloss vomne eigete Chare nüm richtig tuet, hei mir haut müesse churz schliesse.
Sötti i Jahre mau ufene schiefi Bahn grate, so isch hie dr’Ursprung gsy 🙂
-
I ha zum erschte mau Öppis gschweisst. Zwar nume es paar Üebigs-Bitze, aber irgendwo muess i ja afah.
-
Nachdem mir i de letschte Tage einiges id’Garage ta hei, hani dr’Sunnti gnutzt zum se wieder chli ufruume. Gseht grad viu besser us vom Platz her.
-
Mi chürzlech ersteigeret Chäfer isch itz bi üs ir Garage acho. Er het zwüschezytlech no chli Gwicht verlore und cha itz guet aus Fred-Feuerstein-Auto bezeichnet werde 🙂
-
I ha mir e zimlech rostige VW Chäfer ersteigert – itz giut’s ernst mitem Meche 🙂
-
I ha es Igeli vorem Tiefgarage-Igang zu üsere Werchstatt gfunge. Ke gschide Platz für es Igeli, drum hanis d’Zuefahrt ufebracht und begleitet bises imne Gebüsch verschwunde isch.
-
I bi ir Garage chli ga ufruume, so dass mir itz guet Platz hei übercho für d’Werchbank u dr’Schrybtisch.
-
Mir hei e Autolift ir Garage! Botz Cheib isch das e Sach gsi bis mir de hei abglade gha…
-
Ir Garage hei mir dä Abe wöue nutze zum ds’massive Gsteu umzpositioniere. Leider hei mir üs chli verschätzt u drum nid ganz dr’effizientischt Wege igschlage…
So isch itz ds’Grundkonstrukt vom Gsteu zwar bereits am neue Standort, aber vo ufbout z’rede wär de dich chli drigjuflet 🙂
-
Dr’Mano u i si ir Werkstatt gsi u hei a sim Golf 1 GTI bastlet. Ergebnis vom Abe isch es entrostends Teili und e abzogni Rückelehne vom Bifahrer-Sitz.