I ha dieser Tage es luschtigs Comedy „Werbe“-Video gfunge wo sech a Trump richtet und ihm vorschlat nach „America First“ söu er doch „Switzerland Second“ e Chance gä.
Manu het mir zur Wiehnacht zwe Itritte füre Daniele Ganser gschenkt; und hüt isches sowit gsy. I ha dr’Abe sehr gnosse u finde ihn ä interessante u ungerhautsame Referent.
Am Dr. Daniele Ganser sys Programm „Am Anschlag“ isch derbi haub Satire, haub Vortrag über zytgenössischi Gschicht.
Er zeigt ahand vo vergangene Ereignis wie ds’Volk isch manipuliert worde (zB während de Golf-Chriege) und zieht derbi o immer wieder Parallele i d’Gägewart, was eim durchus d’Ouge öffnet.
Wär sech derfür interessiert fingt uf syre Homepage mitunger sogar es paar ufzeichneti Vorträg (zB Verdeckte Kriegsführung).
I ha soebe es Video gseh wo mi lut het la uselache. Die Parodie vom Intro vor Fernseh-Serie „Game of Thrones“ isch uf 90er-Jahr gmacht und triffts wunderbar ufe Punkt – köstlech!