Nachdem i geschter ha chönne ds’TrippTrapp i de Einzuteili entgäge näh, het d’Bohne hüt zum erschte Mau chönne drihocke i ihre neu Sitz wo se für es paar Jahr wird begleite.
Üsi Bohne het ihri Füess entdeckt. Bsungers lustig finge mir dass sie chuzelig isch und sech bim Füess chafle säuber chuzelet u drum när geng muess gugele.
Üses Meitschi isch scho fliessig am brabble. Mir si eifach no nid so sicher was sie üs wott verzeue :)
Musikvideo: Adobe Flash Player (Version 9 oder höher) wird benötigt um dieses Musikvideo abzuspielen. Die aktuellste Version steht hier zum herunterladen bereit. Außerdem muss JavaScript in Ihrem Browser aktiviert sein.
Syt wenige Tage lernt üsi Bohne meh und meh säuber z’sitze. Zum Teil het sie zwar no chli Seegang und heutet sitlech, aber es wird immer besser.
D’Baby-Geste zeige Würkig. Bir Geste für Wickle reagiert d’Bohne scho sehr guet un freut sech druf miteme breite Smile.
D’Sandra faht itz ah ihri Finger z’entdecke. Und irgendwie chöme da immer wieder neui Finger füre wo me cha bestuune :)
Dieser Tage faht d’Bohne meh und meh afa griife und gspüre und d’Finger nutze; u so het sie mehreri Minute lang Mamis Nase müesse betaste und alänge.
Dä Abe hei d’Bohne und ig zum erscht Mau allei (auso z’Zwoit) müesse z’Schlag cho. Mir si Beidi dr’Meinig, dass mir das super gmacht hei.
Nach 3 Nächt im Familiezimmer ds’Thun si mir ab sofort (wieder) daheime. Das tuet o guet.
I möcht d’Erfahrig vom Familiezimmer im Spitau uf ke Fau misse. Grad aus Vater isch meh sehr viu meh involviert u informiert was Sach isch und me cha, bzw sött reagiere uf Situatione.
Glichzytig het sicher o d’Manu profitiert wüu sie für einzelni Sache mi het chönne um Hiuf bitte. Dür das, dassi o dert pfuuset ha, het das o mittst ir Nacht chönne si.