Usnahmswis mau e guete Bscheid vom Fiskus. Sie hei gmerkt, dass mir einiges z’viu izaut hei und wei üs itze Geld zrügg gä. Da chönnti mi dra gwöhne :)
I bi mis Armee-Materiau endlech los worde. Es paar wenigi Sache, wie Gnägi u T-Shirts, hani bhautet, dr’Rest isch gfloge (e Teil dervo no nach 10 Jahr unatastet).
Bire Diskussion über d’Armee und ds’Abgä hani realisiert, dass ig mi Termin verpasst ha zum ds’Material zrügg z’gä. Schynbar liegt mir doch meh a üsere Armee aus i gmeint ha =)
Wenigi Stund bevor ig zum Obligatorische Schiesse abgmacht ha, hani usegfunge, dass ig gar nüme muess ga :) So schnäu hani mini Schiesspflicht no nie erfüut.
I ha wieder mau e Marsch-Befeu übercho, diesmau steit aber bir „Art des Dienstes“ i wunderschöne Buechstabe „Entlassung“ – hach macht das Freud!
I ha endlech mini Stüürerklärig gmacht und wirde vorussichtlech e Viertu weniger Stüüre müesse abdrücke aus im Vorjahr.
Mis letschte Obligatorische isch gschosse u miner militärische Pflichte si z’Ende.
Hüt hei mir üsi Ufruumarbeite im Chäuer abgschlosse. Gseht er nid guet us so?
