phönix spiele

Verein Thuner Spiutreff Phönix

Published on 29. November 2017 by Pädu Wäger

Leider hört ds Team vom Thuner Spiulade Phönix afangs nächscht Jahr uf. Da mir aber ä igschworni Gmeinschaft si, organisiere mir üs itz aus Verein u verastaute d’Spiuäbete unger däm Banner.

Im Moment muess aues no chli Forme anä (Statute, Website, Ämtli); aber sobauds klarer isch wär-wie-was-wo chani o besser informiere für auie wo sech derfür interessiere.

I ha nach langem wieder mau eis vo mine Lieblingsspiu chönne spiele – Railways of the World. Das Spiu isch vo Afang bis zum Schluss packend u spannend, dass mä nid ruhig cha bliebe hocke u fasch vor erschte Sekunde a immer wieder ufsteit und i Bann zoge wird.

Published on 23. November 2017 by Pädu Wäger

I bi i ds’Vergnüege cho und ha wieder mau e 5-Spieler Partie vom Brettspiu „Game of Thrones“ chönne spiele. D’Mitspieler hei o die passende Attitude mitbracht und so hei mir üs verbündet u betroge, hei verhandlet, bedroht und generell Ränke gschmiedet.

Published on 5. März 2016 by Pädu Wäger

Am Donnschtigs-Spiuabe im phönix isch hüt e Journalischt verbi cho wüu er e Artiku zu Brettspiu ir Jungfrou Zytig wott schrybe. I bi gspannt was er schrybt, u obi no ufeme Photo wirde druffe sy :)

Published on 18. Februar 2016 by Pädu Wäger

Nachdem i syt afangs Jahr regumässig dr’Donnschtigs Spiu-Abe im phönix bsueche, bini hüt o ad’Thuner Spiunacht. Totau sy mir guet 25 Persone gsy wo hei mitgmacht, was mitunger o zumne 10-Spieler „Nobody is Perfect“ het gfüehrt.

Published on 6. Februar 2016 by Pädu Wäger

Im gnennti Spiu muess jede Spieler müglechi Antworte uf abstrusi Frage erfinde u när versuecht mä unger au dene komische Antworte die richtigi use z’errate… Mit 10 Spieler wird das zum puure Chaos 😀
D’Thuner Spiunacht wird vom Thuner Spiufachgschäft phönix spiele organisiert und mit Spiu versorgt.

I ha am phönix spiele in Thun e Tschuppele gueti Brettspiu, wo sträflech weni (bis gar nid) sy gspiut worde vo üs, vermacht – für die persönlechi Sammlig oder für d’Occassion-Chischte, wie ihne beliebt. Es git es guets Gfüeuh we mä so chli Öpppis cha zrügg gä.

Published on 21. Januar 2016 by Pädu Wäger

I bi z’erschte Mau a Donnschtigs Spiu-Abe vom Thuner Spiu-Lade Phoenix. I ha netti Lüt lehre kenne u de o grad 6 neui Spiu gspiut.

Published on 7. Januar 2016 by Pädu Wäger

Familie Wäger

und was üs so passiert im Läbe…

Tag Archives: phönix spiele