-
Und itz het d’Hockey-Saison o für mi offizieu agfange mitem Champions Hockey League Spiu SCB gege Black Wings Linz, wo üse SCB miteme souveräne 5:0 für sich het chönne entscheide.
I ha mau wieder Gfeugha u grad denn wöue es Foto füre Blog mache wo’s plötzlech es Gou git 🙂
-
Manus neue SCB-Dress mitem säuber definierte Wunsch-Ufdruck isch fertig, und es gseht sehr schön us.
-
Meischter, Schwizer Meischter! Lala lalalala lala lalalala!
-
SCB! D’Mutze hei ds’Break daheime chönne bestätige u liege itz 3:1 vore ir Serie – mit de kommende 2 Match-Pucks sötts guet müglech sy dr’Pokau nach Bern z’hole.
-
Was für ne geile Match! I bi vor luter Ufregig zwar guet es Jahr gauteret, wüu dr’Treffer so spät isch gfaue, aber dr’Match isch echt Bombe gsy zum luege.
Ds’dritte Drittu het Bern gfüut nume Überzau gspiut, obwous 5 gäg 5 isch gsy.
-
Itz gugg sech öpper de SCB a, die spiele wie ne kehrte Händsche. Die hütigi Partie isch äusserst spannend und attraktiv gsy zum zueluege und am Schluss hei d’Mutze o dr’Sieg errunge – gar nid unverdient muess mä säge, sie hei viu für ds’Spiu gmacht dütlech attraktiver gspiut aus syt langem.
-
I bi i Gnuss cho und ha live im Tempu dörfe derbi sy wo üser Mutze d’ZSC Lions i die verfrüehte (us ihrer Sicht) Summerferie gschickt hei.
Füre PlayOff Haubfinau passt gloub ds’Motto vo Tourismus Davos o no ganz guet: „Auf und Davos!“ 🙂
-
Was isch de nume mit dene Berner und Zürcher los?!? Sehr zu mire Freud gwinne d’Mutze o ds’dritte Spiu u sy churz dervor dr’Quali-Sieger ZSC früehzytig i d’Summerpouse z’schicke.
-
Wär hätt de das o gloubt. Dr’SCB wo mit Müeh u Not no id’Playoff cho isch, het em Quali-Sieger ZSC scho im erschte Spiu e Sieg abknöpft u dr’Heimvorteil errunge. Witer so, Giele!
-
U o dr’zwoit Heim-Match vom SCB hani im Stadion chönne luege, leider aber diesmau ke Sieg… Aber (Götti) Mike het’s sicher glich gnosse wieder mau amne Match z’sy 🙂