-
Ds’Bäbi-Bettli us Manu’s Chindheit isch bir Sandra dr’Renner. D’Bäbi müesse itz zwar fasch 24 Stung pro Tag pfuuse, aber ds’Bett wird immer hin u her gschleipft damit’s ir Nechi isch/blibt.
-
Bim Ichoufe hei mir „Aqua Doodle“ entdeckt — e Chinder-Liinwand wo sech dürne Wasser-gfüute Stift blau färbt. Nach 4 Mniute tröchnets wieder us und isch ume wyss. Es isch super gäbig u d’Bohne het viu Freud bim zeichne/male.
-
D’Sandra het vom Grosi u vom Grösi e rote Bobby-Car übercho und het sech e ganze Abe dermit chönne vertörle. Vorauem wüu er haut o guet Grüüsch macht 🙂
-
D’Bohne het viu Freud we sie cha ihri Chlötzli noime drufplatziere; so wie zum Bispiu uf ihri Spiuzüg-Chischte.
Usnahmswys het sie nid bemerkt dass sie gfiumet wird. Das macht aube grad viu us 🙂
-
Ja, die Spiumatte isch echt dr’Hit. Sie isch so interessant, dass d’Bohne die einzelne Teili doch lieber no chli genauer möcht aluege… und entsprechend d’Matte usenang nimmt.