-
Itz wo Tage wieder wärmer wärde u mir meh und meh dusse hocke, hei mir üsser Chüssi usenang gno und neu igfärbt. Zwar es müh müehsam, so het sech’s doch sehr glohnt.
-
I ha üse Gartetisch us Teakhouz gschliffe und neu lasiert und bi mitem Ergebnis sehr zfriede. Demnächst wirdeni mi a d’Stüeu mache, aber da bruchi gnue Zyt zum schliefe.
-
Dr’Früehlig isch da – ds’Wetter und d’Temparature hei sech so zum Guete gänderet dass mir z’erschte Mau dieses Jahr üses Znacht dusse gässe hei.
Mitem Früehlig chunnt derfür o ds’permanente Chuzzele ir Nase bi mir, seich Allergie!
-
Dr’neu Grill het e Spiess mit Elektro-Motor mitglieferet gha u so hei mir hüt es Güggeli ufem Grill gmacht. Es het zwar no Verbesserigspozential, aber mir sy uf guetem Weg.
-
Ach, die guete aute Zyte. „Flûte im Fleesch mit Chees“ isch haut eifach scho super, o bsungers aus Bettmümpfeli 🙂
-
Syt es paar Wuche hani am Sirup abgschwore und aromatisiere mis Mineral itz miteme Sprutz Zitrone-Süüri, was wiederum d’Sandra o geng gluschtet so dass sie wot probiere.
Itz isches mir glunge es Video z’mache wie sie chli Zitrone-Süüri schnouset:
-
Päpu het e neue Grill *freu* – I has bire Aktion nid chönne verchlemme u bi itz stouze Bsitzer vomne dopplet so grosse Grät wo sogar d’Müglechkeit bietet mitere Rotisserie Güggeli zue z’bereite.
D’Sandra isch mir übrigens bim zämeboue e schöni Hiuf gsy. Sie het mir immer wieder Werchzüg greicht oder Schrübli ufgläse wo mir blöd us dr’Hang gheit sy (jaja, Informatiker u so :-p).
-
I has chönne irichte dr ersteigeret Garte-Tisch mit Stüeu abzhole (bi Oensinge ume) u de o grad ufsteue. Sie hei üs sogar no grad derzue passendi Chüssi mitgä 🙂
-
I ha üsem einte Beton-Pfoste mit viu Müeh und Not e „Metall-Strumpf“ agleit. Botz, isch das e Chrampf gsy.
Sinn vor Sach isch, dass d’Manu när es paar Gwürz und vilech no e paar angeri Pflänzli direkt cha a’Pfoste hänke und so dr’Pfoste optisch chli verschönere. Und natürlech o früsche Chrütli direkt zur Hang z’ha zum Choche 🙂 U so gseht’s bis itz us: