-
Am Afang isches aube nid so gloffe, aber mittlerwiele chas d’Laura mit Nachbers Busle scho richtig guet.
-
D’Sandra het hüt ihres Geburtstags-Gschenk iglöst und isch mit dr’Gotte Ste und em Unggle Jerry ä Namitag lang i Zoo. Wie mir ghört hei, het sie’s sehr gnosse, o wenn’s nid immer um d’Tier isch gange.
Mir hei üs när drufabe mit Sterrys bi ihne daheime troffe und no gmeinsam fein zNacht g’ässe.
-
Recht spontan hei mir üs entschiede bi däm soso-lala Wetter e Bsuech im Tierpark Dählhölzli z’mache – o chli ir Hoffnig es syg de nid gstungget vou. D’Sandra het viu Tier chönne bestuune u het o no daheime viu vo de gsehne Tier i ihrne Büechli nomau füre gsuecht.
-
I ha es Igeli vorem Tiefgarage-Igang zu üsere Werchstatt gfunge. Ke gschide Platz für es Igeli, drum hanis d’Zuefahrt ufebracht und begleitet bises imne Gebüsch verschwunde isch.
-
Es het wieder mau es paar Alpacas gä wo hei wöue gschore werde. D’Wulle vo dene Tier isch echt agnehm u vorauem cha me se o guet witerverarbeite zu Chleider oder Duvet.
-
Obwou Manus Chatze normalerwis recht erfouglos si aus Jäger, hei mir hüt e tote Vogu ir Wohnig gha – sicher es Gschenk für mi 🙂