-
Dr’Früehlig isch da – ds’Wetter und d’Temparature hei sech so zum Guete gänderet dass mir z’erschte Mau dieses Jahr üses Znacht dusse gässe hei.
Mitem Früehlig chunnt derfür o ds’permanente Chuzzele ir Nase bi mir, seich Allergie!
-
Mir hei üs die Wuche entschiede hüt es feins Raclette z’ässe, und lueg itz, itz faht’s doch pünktlech derzue no afa schneie 🙂
-
Bi dem schöne Wetter hei mir üsi chürzlech gchoufti Wasserballon-Abfüllmaschine usprobiert und dr’Sandra totau a die 100 Wasserballön gmacht 🙂 Sie het viu Freud gha a de Ballöne und dr’ganz Rase abgschosse.
-
Trotz em Hudu-Wetter bini mit dr’Bohne zum Zulgspitz füre gspaziert (i meh aus sie). Ungerwegs het sie viu Freud a de Glungge bewiese – syg’s mit drigumpe oder schüsch chosle. Aber o schüsch isch üs nid längwilig gsy ungerwegs.
-
Was für e wunderbar heisse Tag! I bi zur Abchüelig i Sandras Pool ghocket während sie e riese Freud het gha em Päpu Wasser a z’sprütze.
-
Bi so guetem Wetter hei mir dr’Sandra ihre Pool im Garte ufgsteut und es paar Centimeter Wasser dri ta. Sie het nid würklech wöue dri ga bade, isch aber nid müed worde mitem Wasser z’chosle.
-
U Botz ma das plötzlech schneie. Mir sy nume angerhaub Stung z’Bsuech gsy bi Moors u scho isch dr’Chare wiis gsy… D’Heifahrt isch du spannend worde bi so verschneite Strasseverhäutnis, aber dank 4×4 hei mir nie banget.
Und ja, mi het’s hie und da furchtbar gjuckt chli umeztuble mitem Chare (Füdle la usbreche u so). Aber solang i nid allei dinne hocke, chunnt so Öppis nid i Frag.
-
Mir hei dr’erscht Schnee! Gwüss no nid viu in Heimberg säuber (z’nach a Gwässer), aber es Müü het’s möge asetze.
-
Mir hei dr’erscht Schnee und d’Wäut um üs isch plötzlech wyss worde. Zum Glück hani miner Winterreife chürzlech no druf bracht 🙂
-
Mir si am Namitag a Thunersee chli ga sünnele und sy – i ha mi sogar i ds’Wasser gwagt (muetig muetig, i weiss :)). So schöns Wetter isch scho geil.