-
I has chönne irichte dr ersteigeret Garte-Tisch mit Stüeu abzhole (bi Oensinge ume) u de o grad ufsteue. Sie hei üs sogar no grad derzue passendi Chüssi mitgä 🙂
-
I ha üsem einte Beton-Pfoste mit viu Müeh und Not e „Metall-Strumpf“ agleit. Botz, isch das e Chrampf gsy.
Sinn vor Sach isch, dass d’Manu när es paar Gwürz und vilech no e paar angeri Pflänzli direkt cha a’Pfoste hänke und so dr’Pfoste optisch chli verschönere. Und natürlech o früsche Chrütli direkt zur Hang z’ha zum Choche 🙂 U so gseht’s bis itz us:
-
Nachdem mir die Wuche erfougrich üsi Garte-Lounge versteigeret hei, hei mir üs de o grad öppis Neus für d’Terrasse ersteigeret: e Holztisch inklusiv 6 Hochlehner-Stüeu.
Die Angeri wo i de letschte Minute mitbote het, het mi recht möge ärgere. Vorauem wüu sie nid kapiert het wie Ricardo funktioniert. Sie het nadisna im Mindest-Erhöhigs-Schritt bote und bote und bote und bote… Sie allei het öppe 100 Gebot abgä und isch geng outomatisch überbote worde wüu üses Limit höcher isch gsy. Sie…
-
Knapp 15 Stund nach erfougrichem Auktions-Endi, isch üsi Garte-Lounge scho nüm üsi, sondern abghout worde. So schnäu chas ga 🙂
-
Mir hei üsi Rattan Garte-Lounge erfougrich über Ricardo chönne versteigere mit meh Gebot aus mir dänkt hätte. Ds’guete Wetter und dr kommend WM-Start hei sicher ghoufe.
-
Mir sy vo Reby und Lüku iglade worde zum Znacht i ihrer neue Wohnig. E schöni Wohnig und sie hei o bereits guet igruumt und sy acho.
Mir hei aus Mitbringsu für ds’früsch zämezüglete Paar ds’Chartespiu „Love Letter“ mitbracht. E voue Erfoug! Nachem Znacht und zäme dorfe hei mir grad 4 Partie gspiut à je ca 4-6 Rundine. I ha säute schlecht gspiut (d’Charte dürenang bracht, schüsch es Gstürm gmacht oder eifach o nume Pech gha) und ersch ir zehnte Rundi…
-
Nachdem die bsteute Chräueli endlech si cho, chani itz o üses Wand-Tetris fertig bastle 🙂
-
Mit dene Chräueli chame vieli tolli Sache bastle, wie zum Bispiu Deko-Züg für a d’Wand 😉
Geng wie geng… We me dr’läng Bauke chönnt bruuche chunnt er nie!
-
Es het es bitzeli duuret bis ig ha gwüsst wo ds’Schwert söu ufgmacht werde. Itz bin ig aber froh und happy so wie’s hanget (u abglenkt wemer Fernseh luege :)).
-
D’Joelle het zum Zügle iglade, da hani nid chönne nei säge 🙂 Vorauem wüus mi für sie freut we sie itz o i dr’Region wohnt.