-
Ds’Reby het Geburi gfyret und zum Fescht iglade. Mir wünsche nomau aues Guete u danke für de gmüetlech Abe wo mir hei chönne zäme verbringe.
-
Mir hei mit dr’Sandra mau wieder dr’Spiegu-Test gmacht. Sie het grad sofort a die eigeti Nase glengt u nüm versuecht dr’Spiegu z’betape.
-
Hie no es chlises Video vor Sandra ufem Gigampfi.
-
Mir sy hüt zum zNacht bi mire Schueufründinn, der Moni und ihrer Familie zum zNacht iglade gsy. D Sandra u ig sy bereits am Nammittag mitem Zug häre u Pädu isch när uf die Sächsi nache cho. I ha mir vorgsteut, dass d Sandra doch öppe de chly mitem Maurin, em jüngschte vo de drü Giele, würd spile…isch aber du nüt gsy, sy het angscht gha vor ihm – ömu zmingscht immer sobaud er uf se isch zuegloffe (louft no nid ganz sicher). Es isch schön gsy, hei mers nach so langer Zyt gschafft abzmache – i ha dä Abe sehr gnosse.
-
Üsi chli Bohne faht itz richtig afa loufe. Mit Hiuf vom Rollator het sie ihri erschte Meter dür d’Wohnig zrügg gleit.
-
Chum e Wuche här, scho het d Sandra Poscht vom Amt übercho. Jetz isch o üsi chlini Bohne usgrüschtet mit ere ID.
-
Nachdäm d Sandra u ig superfein zMörgelet hei, hei mir üs am Nami parat gmacht für ihri erschti Identitätscharte. Sy isch mau wider sehr pflegeliecht gsy. Bereits s erschte Föteli hett mä chönne bruche. Ufem Heiwäg hett sy riise fröid gha, im Zug umezturne, u aues ds kommentiere wo si gseht :). Mä merkt nümm, dass si chrank isch gsy (ussert haut, das mä gseht, dass sy e biz het abgnoh).
-
Mir drü sy hüt mit der Familie Eggima vo Chnoflige uf Morschach go bade i Swiss Holiday Park. Zwar het sech der Wäg dert häre rächt zoge (o nid zletscht, wöus er Sandra irgendwie nümm so passt het, allei hinge im Outo), aber d Badi isch cool gsy u mir hei aui üse Spass gha. Ufem Rückwäg sy mer ds Bärau im Adler no go z Nacht ässe. Isch u fein gsy – aber riiise Portione. Dahei isch d Sandra chum im Bett gläge, scho het si tief u fescht gschlafe.
-
D’Sandra u ig sy hüt ändlech der Renato (Kolleg vo der Privera) go bsüechle, nachdem mers jetz zwöi Mändige hei müesse verschiebe. Är het im Mai ä Härzinfarkt gha, so öppis schockt scho grad. Später sy mer no witer zu Grosmami u Ätti u hei dert der Abe la usklinge.