-
D’Sandra louft u het ihrer erschte Schritte ohni Stützi gmacht. Itz wo ds’20 gheit isch, cha sie fasch nüme höre u isch de sicher es Dotze mau zwüsche de Lüt hin u her gschuenet.
-
Lüku isch hüt 30gi worde u het e Überraschigs-Party übercho ungerem Motto „Superhelde“. D’Überraschig isch gloub guet glunge und mir hei aus verchleidete Huufe es fröhlechs Fescht gha.
-
Dr’Ueli, Sandra’s Ätti, het hüt si Geburtstag gfyret und zumene gmüetleche Kaffee und Kuchen iglade. Happy Birthday Ueli
-
Dr’Ueli (mi Schwiegervater) het üs begleitet wo mir uf Dütschland sy. Er isch ab gwüsse Priise recht i ds’Stuune cho u het so sini Modäu-Sammlig grad chli ufgstockt.
D’Sandra isch i dere Zyt bim Grosmami Monika bliebe u so hei o die Zwoi e glungne Abe verbracht zäme.
-
D’Sandra het es neus Spieli glernt vo üs und het cheibe Freud we mir e Rundi spiele am Tisch.
-
Bim Umsteue hei mir im Wohnzimmer e Schublade für Sandras Spiusache igrichtet. I ha die miteme säuber gsetzte Hama-Schriftzug schön agschrybe dass mä o grad weiss weles ihri Schublade isch.
Leider het das de nid so lang ghaute 🙁 Bereits i de erschte 10 Minute wo d’Sandra das Bastlete gseh het, he sie müesse dranne ga chnüble und het ersch ghört wo e Teil ab isch 🙁
-
Nach 4 Jahr hei mir dises Wuchenänd üses Wohnzimmer umgschteut… Es isch no nid ganz fertig, aber im Grosse u Ganze simer z fride mit üser Püetz. D’Sandra het o flissig mitghoufe, Gägeständ hin u här z bigele 😉
D’Hockeysaison het ja wider agfange, da wärde mer sicher öppe o mau wider ilade (dörft natürlech o süsch verbicho)…. U für aui Ungedoudige hie zwöi Vorabbiudli.
-
Juhuuu… Fertig isch es, mis erschte Näi-Projekt 🙂 und passt absolut guet
-
D’Familie Moor het Ferie und het üs spontan iglade zumne abendleche Käfele mit Bier u guete Gespräch.
Und prompt a dem Abe het d’Sandra eifach nid wöue pfuuse und isch wach bliebe, und wach bliebe … und wach bliebe.
-
Und scho wieder e Geburtstag 🙂 Diesmau isch Mike (Sandras Götti) es Jahr äuter worde und het das miteme gmüetleche Grille mit Fründe gfyret. Happy Birthday (aute Sack :))
Es wird nid dr letscht Geburi bliebe i de nächschte paar Wuche 🙂