-
D’Sandra u ig hei hüt dr gester gkouft Chariot wöue usprobiere. Leider hets du när grad afa schiffe, woni du ändlech parat bi gsy. Aber d’Sandra isch durchus interessiert gsy, was das nöis isch.
-
Wo üsi chlini Bohne bim Reby ufem Schoss glege und liecht a de Arme aghobe worde isch, het sie dr’Chopf säuber möge mitlüpfe – es geit irgendwie aues so schnäu 🙂
-
Hüt hani mi du doch mau hingers Fingernegu schnide bir Sandra dra häre gwagt. Es isch viu eifacher gsy ausi ha dänkt, i wierdes aber o es angers Mau wider denn mache, we si am pfuuse isch.
-
Mir hei chli mit em neue elektrische Zahnbürstli umegspiut und d’Bohne het’s chum wöue zrügg gä.
-
Mir si vo Moors zumene Grille iglade worde und hei e gmüetleche Abe dörfe zäme verbringe. Nume d’Bohne het nid soviu vo ihrem Götti mitübercho soviu wie sie pfuuset het.
-
D’Manu u ig si üs sicher, dass üsi chlini Bohne bereits chräftig üebt wie meh sech vom Rücke ufe Buch cha chehre. Klappet het’s zwar no nid, aber we sie so witerüebt, de durets nüm lang.
-
I bi mit dr’Bohne vorem Spiegu gstange (mir hei dr’Flüger gmacht). Und i bi mir sicher sie het mit ihrem Spiegu-Biud afa ploudere u grinse 🙂 So süess!
-
und wüus so schön isch no grad es Video vom Grosi und dr’Sandra.
-
Ds’Grosi und dr’Grösi si üs cho bsueche und so hei mir dä schön Namitag uf dr’Terrasse verbracht. Ds’Grosi het sogar chönne dr’Schoppe gä, was sie gloub ungloublech gfreut het.
-
I bi hüt ir Privera es Bsüechli mit dr Sandra go mache. D Lüt hei sech sehr gfröit und d Sandra het di ganz Zyt nur pfuuset. Ufem Heiwäg hani z Thun zerscht mau mini ‚Mamamap‘ chönne teschte u bi ir Bahnhof-Apotheke imne Hingerrümli go stiue.