-
D’Bohne het hüt e richtige Bsuechstag gha. Zersch si ihri Ur-Oma, mini Gotte u ihre Maa cho. Speter si no 2 Arbeitskollegine vor Manu cho.
Und d’Bohne het sech vor beste Site zeigt – sie isch sehr viu wach gsi u het umegluegt u zablet und nume ganz weni umegrauet. Entsprechend isch wieder mau d’Ussag cho „wartet de nume bis zur Pubertät“ 🙂
-
Et voilà, dr Bierhauter füre Chinderwage isch cho u natürlech grad montiert 🙂
-
D’Bohne het bim Wickle so fescht müesse niesse, dass ig bis Mitti Oberarm bi agschisslet worde; einzelni Sprützer sie über 2 Meter vom Wickutisch am Bode entdeckt worde. RESPEKT!
-
I ha z’erschte Mau chönne Mami spiele u d’Bohne fuettere 🙂 Sie het ja recht möge Ouge mache wosi uf Päpus Arm het Milch übercho.
Derzue muess me säge, dass gfüeut d’Häufti vor Milch wieder usem Muu usecho isch… Aber jänu, ab Schoppe trinke wot o glehrt si.
-
Es git öppe nüt schöners aus vor Bohne mit grosse Ouge agluegt u aglächlet z’werde.
-
So schöns Wätter! Ändlech, mir hei jetz lang gnue gwartet. O d‘ Sandra het chly blütlet u nur no s Body treit, wöus so heiss isch gsy.
-
Dr erscht Chinderarzttermin wär o gschafft. D‘ Sandra het nach eim Monet 982 gramm meh uf de Rüppi und isch 5 cm gwachse (jetz 53 cm gross). Si het sech o bir Ärzti wider ganz vorbiudlech präsentiert und isch di meischti Zyt sehr ruhig blibe. U d‘ Frou Dokter isch auso e sehr sympateschi.
-
Die erschte Lüt hei üses Geburtsvideo für d’Sandra bereits chönne aluege und hei üs mitteilt wie sehr sie sech über das Video gfreut hei. Das macht Freud o für witeri Mau es Video zäme z’schnide.
I has itz o no uf YouTube gsteut damit mes o cha aluege we mä grad ke DVD-Player zur Hand het =)
-
Hüt Nami isch d Frou Berger vor Müettere- und Vättereberatig cho luege wies louft. Vorem Gspräch hei mer d Sandra gwoge (inzw. bringt si 3’975 gramm uf d Waag) u när het doch das Lusmeitschi s wisse Blusli vor Frou Berger versch***.
-
Nachdem mir geschter no aui Geburts-Chärtli DVDs i Hülle und Couvert packt hei, het d’Manu se hüt chönne uf d’Post tue. Sie werde i dere Wuche bi euch itrudle.