-
Nach 3 Nächt im Familiezimmer ds’Thun si mir ab sofort (wieder) daheime. Das tuet o guet.
I möcht d’Erfahrig vom Familiezimmer im Spitau uf ke Fau misse. Grad aus Vater isch meh sehr viu meh involviert u informiert was Sach isch und me cha, bzw sött reagiere uf Situatione. Glichzytig het sicher o d’Manu profitiert wüu sie für einzelni Sache mi het chönne um Hiuf bitte. Dür das, dassi o dert…
-
Vor luter Begeisterig hani völlig vergesse es Biud hinzue z’füege… Das änderet itz.
-
Päpu het grad ds’erschte Mau i sim Läbe gwicklet! Isch eifacher aus ig denkt ha (ömu itze no wos nach Rosewasser schmeckt :))
Chum hani aues putzt gha u grad die neui Windle i Stellig bracht, het sie ds’Gfüeu gha sie müesse no schnäu bisle 🙂 Aus Baby het me scho es Flohnerlebe u cha sech fasch aus erloube.
-
Mir si Eltere – d’Sandra Leia (üsi chlini Bohne) isch da! Es geit ire und üs sehr guet und mir si überglücklech.
-
D’Manu isch hüt wieder bim Frouenarzt gsi u het d’Herztön vor chline Bohne chönne la messe. Wie sech het usegsteut geit dr’Herzschlag spürbar duruf we mä chli mitere schnörelet 🙂
-
So, nach diverse Arbeitsschritte isch dr’Chinderwage fertig ufpimped. I finge die neue 2-farbige Felge gäbe guet öppis her u si stimmig. Die chlini Bohne wird sech sicher freue 🙂
-
I ha mir dieser Tage i Gring gsetzt die längwilige schwarze Felge vom Chinderwage optisch ufz’pimpe. Die Vorderi isch itz fertig u gfaut üs guet – d’Bohne wird de sicher o Freud ha 🙂
-
Es het einiges länger duuret aus sie im Lade hei gseit, aber itz isches sowit – mir hei üse Chinderwage chönne abhole.
-
Mir si ume eis mit dr’Bohne ir Ungersuechig gsi u hei d’Herztön dörfe losse. Kommentar vom Arzt „Tönt sehr chräftig; sie wird nech de gä!“ 🙂
-
So langsam isch dr’Name Aschi definitiv Gschicht => d’Kategorie wird umbenannt zu „chlini Bohne“.