-
Die chlini Bohne wachst u wachst u so isches für üs a dr’Zyt d’Zimmer umzsteue. Hüt hei mer itz ds’Büro gleert. Itz müesse mir „numeno“ d’Möbu umsteue u wieder iruume.
-
Mir si wieder mau bim Doktor gsi u hei diesmau chönne dr’Herzschlag lose.
[audio:http://outtakes.ch/wp-uploads/Herzschlag.mp3 |titles=Chlini Bohne Herzschlag |initialvolume=100]
-
Aus Dankeschön für die verliehene SCB-Abos es herzigs Present übercho. A Setigem hani natürlech wieder huere Freud =)
-
I ha die chlini Bohne/Aschi zum erschte Mau gspürt! Für mi isch das e schampar schöne Moment.
-
Mir hei üs finalement für ne Chinderwage chönne entscheide u hei diese de o grad bsteut. I merke wie’s langsam ernst wird 🙂
-
Aschi, üsi chlini Bohne, wird mit Götti Mike eine vo de coolschte Götti übercho wos je hets gits! Mir hei extrem Freud wie Mike sofort miteme Strahle het zuegseit.
-
I ha im Internet (Ricardolino.ch) es super Agebot gfunde; es haubs Chinderzimmer (Bett, Schrank u Wickutisch) zumne Priis wo mä angerswo füre Transport würd zahle.
-
Mir hei wieder mau e Fototermin mit Aschi gha. Es isch aues i bester Ornig u sie wachst u gedeiht prächtig 🙂
-
Bim Geburtstagsbsuech vor Sara, het mir d’Andrea no zeigt im Chäuer, wasi de aues cha bruche vo de Babysache. Mi fröits, das mer soooo viu Züg chöi bruche und somit würklech chum Sache bruche nöi z’Choufe 🙂
-
Aschi bewegt sech! E wunderschöne Moment.