-
Bi dem schöne Wetter hei mir üsi chürzlech gchoufti Wasserballon-Abfüllmaschine usprobiert und dr’Sandra totau a die 100 Wasserballön gmacht 🙂 Sie het viu Freud gha a de Ballöne und dr’ganz Rase abgschosse.
-
D’Hockey-Saison het agfange miteme Match us dr’Champions Hockey League – IFK Helsinki gäge üse SCB. Am 9. Septämber geit de o d’Regular Season wieder los. Hach, wie mir üs druf freue!
-
Jetz isch doch üsi chlyni (grossi) Bohne scho 89 cm gross! Mir sy hüt no es letschts mau vor der Geburt vom Bebe zur Müettereberatig. D‘ Sandra entwicklet sech sehr guet. Gmäss der Entwickligskurve isch sy jetz für ihri 2 1/4 Jahr mit de 89 cm eher e Grossi. U rede düeg sy o eher überdurchschnittlech guet für ihres Auter.
-
Dr’John u d’Sandra, sini Partnerin, sy ufe Mittag zu üs cho zum gmeinsame Grille, chli Sy und Laffere. Mit so gmüetleche Sunntige laht sech d’Wuche guet la usklinge.
-
I ha hüt bim Frouenarzt der Zuckertest müesse mache, wo si luege öb öppe e Schwangerschaftsdiabetes da isch. Glücklecherwis bini o dismau wider ohni Diabetes dervo cho 🙂
-
I ha mir hüt a üsem „Brot und Spiele ;)“ Abe es Spiu gwünscht woni vor 8 Monet mau ha übercho aber no nie gspiut: „El Grande“ (Spiel des Jahres 1996). Mir sy auso ohni Vorkenntnis i die Rundi und hei es packends und lustigs Spiu dörfe erlebe wo trotz em Auter vo 20 Jahr no immer verma z’packe u begeistere.
-
Ursli, üse Götti-Bueb, het si 8. Geburtstag gfyret und zum Fescht iglade. Happy Birthday Urs!
-
Dr’neu Grill het e Spiess mit Elektro-Motor mitglieferet gha u so hei mir hüt es Güggeli ufem Grill gmacht. Es het zwar no Verbesserigspozential, aber mir sy uf guetem Weg.
-
Nachere lange Pouse vo fasch eim Jahr (363 Tag) hei d’Manu u ig wieder üses letschtjährige Summer-Chartespiue, Android: Netrunner, vüregno u gspiut.
Es het üs wieder chli bruucht bis mir sy dri cho. Aber das hei mir nid angers erwartet bimne Spiu wo beidi Site ungerschiedlech spiele mit eigete Regle. Im Spiu isch öpper e Mega-Konzern mit unsubere Projekt wo er hinger Firewalls schützt und über d’Zyt wott vora triebe zum punkte. Die angeri Person spiut e Hacker…
-
Mir hei füre 1. Ougschte üsi Brot und Spiele Gruppe und no e witere Gascht iglade zum gmeinsam Grille u drufabe chli Fürwärchle. Letzteres isch wegem Wetter recht id’Hose, was mir derfür mitere Ladig Party-Spiu kompensiert hei 🙂