-
Mir hei e uf dieses Jahr e neue Finanzberater zueteilt übercho und hei dä hüt chönne lehre kenne. Er isch glich aut wie mir u maht e sehr sympathische Idruck; und er isch gloub o ähnlech geekig wie mir 🙂
-
I ha mi Geburtstag dörfe fyre. I bi vougas am Vorbereite gsy mit beleiti Brötli und gfüuti Gipfeli mache. U o d Dessert hei nid z churz dörfe cho :). Es het unheimlech vieu ds tüe gäh, aber i has u gärn gmacht. U ds Resultat het sech durchus dörfe zeige. I ha mi über di zahlriche Gratulatione sehr gfreut. U es isch schön gsy, dass so vieu verby sy cho.
-
D’Sandra het itz glehrt usem Becher z’trinke. Es het nume öppe 2 Zmorge brucht bis sie’s gchopfet het wie dass mes richtig a ds’Muu nimmt.
-
Itz wos endlech ume Schnee het, sy mir natürlech mit dr’Sandra use i Schnee, wobi sie auerdings nid so ganz warm isch worde dermit.
-
D’Manu u ig hei üs uf BoardGameGeek bir 10×10 Challenge igschrybe. Ziel isches innerhaub vomne Jahr 10 vo üs definierte Spiu (plus e Alternative) jewius 10 mau z’spiele.
Letscht Jahr bini mit mire ursprüngleche Liste kläglech gschiteret und uf lediglich 57% cho… Mit de 10 meischt-gspiute Spiu wäremer aber uf 98% cho, es isch auso knapp worde. Dieses Jahr isch d’Lischte dütlech weniger abetürlech und beinhautet nume Spiu wo mir kenne, bsitze u guet finge (letscht Jahr hani versuecht e müglechst viufäutigi Lischte z’mache). Bevor…
-
Recht spontan sy mir zu Manus Eutere (Grosmami u Ätti) zum chli käffele u sy. So hei mir o grad ihres brandneue Sofa „ifurze“.
-
D‘ Sandra isch e riise Fan vom Nachbarsmodi (Noemi – wo glich aut isch). Mängisch we d’Sandra öppis usem Stägehuus ghört, muess si go lose, öbs äch ihri Fründin isch 🙂
-
I ha spontan Luscht gha ufene Fium u gseh, dass mä bir Swisscom „Monsieur Claude und seine Töchter“ cha miete. E französische Fium mit viu Charme übere Monsieur Claude wo sech schwer tuet dass keni vo sine Töchter e gebürtige Franzose hüratet.
-
Zwar het der Pädu der Chönig im Chueche gha, aber mir sy üs sicher aui einig, dass ds Chröndli er Sandra super steit 🙂
-
Mir wünsche euch aune es guets Neus u hoffe dir syget guet gstartet i ds’Jahr.