-
Das neue Charte-Spiu (Android Netrunner), woni vorletscht Wuche gchouft ha, isch echt dr’Hit. D’Manu gwinnt meistens aus Hacker und ig aus MegaCorp gseh rächt aut us 🙁
Aber es zeigt sech, dass da würklech viu Inhaut füre Priis ir Box isch. D’Manu spiut bis itz nume 1 vo 3 mügleche Hacker und i bi o geng die gliich MegaCorp (vo 4 wo zur Uswau stöh).
-
Mir hei d’Familie Moor zum Znacht zure Burger-Party iglade. Botz, sy das geili Burger worde 🙂 Mike u ig hei üs de o grad liecht überesse derbi =)
-
I ha mir es neus Charte-Spiu (Android: NetRunner) gänggelet und de o grad mit dr’Manu chönne die erschte Rundine spiele.
Es isch nid ganz eifach gsy i ds’Spiu ine z’finge, mittlerwiele klappet’s aber recht guet. Glichzytig muessi aber o säge, dass das Spiu no viu Müglechkeite bietet we mäs de chli besser kennt.
-
D’Sandra cha itz säuber vom Bett und vom Sofa abechlättere. Es isch zwar no chli e gwagligi Sach, aber sie macht guet Fortschritte und es isch sehr schön zue z’luege wie sie vorwärts macht.
-
Nacheme gmüetleche Tag ir Badi hei d’Manu u ig am Abe schnäu es 1000er Puzzle zäme gsetzt wo grahmet söu i ds’Chinderzimmer cho u so no chli meh Farb dri bringe.
-
Mir hei das supertolle Wätter gnosse u sy dr ganz Nami ir Badi z Steffisburg gsy. Das isch herrlech gsy.
-
Wo mir hüt es Bsüechli bim Grosmami u Ätti hei gmacht, het d Sandra ungerwägs dörfe ihre nöi Outositz usprobiere. Isch wahrschinlech no gwöhnigsbedürftig, aber im Grosse u Ganze schint er doch no bequem z sy. Natürlech hei mer aui gmeinsam no der Match verfougt u hei mitgfieberet. Si hei ömu es Super-Spieu abgliferet. Bravo Schwizer Nati!
-
S’Reby het hüt e chlini Singstar-Rundi organisiert, woni o iglade bi gsy. Es het u gfägt…u es isch tatsächlech na de vieri am Morge worde, bis i dahei is Bett trolet bi.
-
Mir hei hüt aues gäh, dermit d Sandra ihri erschti Nacht im eigete Zimmer cha verbringe. U nach getaner Arbeit, hets für üsi Chlini Bohne die erschte Frittli vom McDonalds gäh (inklusive Match luege).
-
I bi hüt mit der Marianne und der Ste s Züri ds Musical Dirty Dancing go luege (mis Geburigschänkli). Es het mer sehr guet gfaue u sie heis sehr guet umgsetzt.