-
Usnahmswis mau e guete Bscheid vom Fiskus. Sie hei gmerkt, dass mir einiges z’viu izaut hei und wei üs itze Geld zrügg gä. Da chönnti mi dra gwöhne 🙂
-
Hüt isch Internationale Star Wars Tag – May the force be with you!
Und d’Sandra Leia isch o scho cheibe Fan vo dere Titu-Musig – Sie het haut ds Geek-Bluet i sich 🙂 Und für aui die wo sech frage „Werum de hüt?“: May, the 4th wird zu „May the force“. So chunnt das.
-
Mischu, Manus Schwager, isch 40i worde und da hei mir natürlech in Persona wöue gratuliere. Er isch totau überrascht worde vor Mengi a Lüt wo sy verbi cho zum ihm gratuliere 🙂
-
Endlech hei mir chönne zueluege wie d’Sandra säuber ufhocket. Bis itz hei mir’s ja geng grad blöd verpasst – sie het nid lang z’chnorze derzue.
-
Sterrys sy zum Znacht zu üs cho und mir hei zäme säuber Cordon-Bleu gmacht (gfüut mit Rohschinke, Vacherin und Spinat). Das sy gloub die beschte(!) Cordon-Bleu gsy woni bis dato ha gässe.
-
Nachdem i hüt o no mau bi go Probeschaffe, hani vorem Fyrabe die schöni Nachricht übercho, dasi der Job ha. Jetz darf i abem Mai im Cafe-Bar Lädeli zwüschdüre go schaffe. I freue mi riisig, da i bi de Probeschaffe ha gmerkt, dass das würklech fägt.
-
Diese Morge isch d’Sandra zum erschte Mau vo ihrem Grosi ghüetet worde, während d’Manu es Probeschaffe gmacht het.
Aui Beteiligte hei nume guets wüsse z’verzeue. We d’Manu de Job überchunnt, de wird d’Bohne wüchentlech ds’einte vo beidne Grosis gseh. Ds’angere Grosi wohnt derfür viu nächer 🙂
-
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.
-
Reby u Lüku sy de Namitag z’Bsuech cho u mir hei üs ere chlinere brettspiu-Orgie häregä 🙂 Da ds’Wetter guet isch gsy hei mir üs usegsetzt u so nebe de Spiel o d’Sunne chönne gniesse.
-
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂