Eifach öppis zum schmunzle ;)
I finges schön wie sech üser Töchtere scho itz so guet zäme verstöh. Mir hoffe natürlech, dass das no lang so wird bliebe (zur Schonig vo de eigete Nerve :)).
I ha es chlises Video gmacht wo zeigt wie d’Sandra versuecht ihrer chline Schwöster Socke a’zlege. Sie het nume mässig Erfoug…
Grosi und Grösi sy z’Bsuech cho und so hei sech dr’Grösi und d’Laura o z’erschte Mau gseh und lehre kenne.
Mir hei d’Biuder vor Photographin usem Spitau übercho.
Angers aus bir Sandra het sech Lauras Buchnabu-Zipferl lang gwehrt, bis er hüt endlech abgheit isch. Itz luege mir, dass o d’Laura e schöne Buchnabu überchunnt wie ne d’Sandra het.
Ds’Gotti Nina (vor Laura) het dr’wyt Weg uf sech gno us dr’Ostschwyz zum ihres Gotte-Meitschi cho z’bsueche. Mir hei üs guet ungerhaute u o d’Töchtere verstöh sech sehr guet mit dr’Nina.
Mir sy u stouz uf d’Sandra, wie guet sie ihre Part vom grössere Schwösterli übernoh het. Sie wott überau häufe und derbi sy. U mir versueche ihre o möglechst weni Grund ds gäh zum ifersüchtig sy.
Hüt het d’Laura ds erschte Mau dörfe bade. Sie hets gnosse wie verruckt, aus gäbs nüt schöneres :)
Irgendwie hani hüt es déjà vu gha… Hami durchus i Mai 2013 zrüggversetzt gfüeut.
