Nach wenige Tag mit dr’Laura erschynt mir d’Sandra grad mindestens es haubs Jahr älter worde z’sy – sie macht aber o grossi Fortschritte i aune mügleche Bereiche. I bi so stouz uf mi Hüehnerhuufe :) Published on 7. November 2015 by Pädu Wäger
Ah, und für aui wo Interesse hei üs cho z’Bsueche, dir syt härzlech wiukomme. Bis am 15. Nov. isch Pädu ebefaus dr’ganz Tag daheime. Published on 6. November 2015 by Pädu Wäger
Mir sy daheime acho und hei üs o grad sofort guet iglebt. D’Sandra isch e Schatz vo grosser Schwoscht und immer sehr hiufsbereit und fürsorglech. Zuesätzlech faht d’Laura meh und meh afa d’Ouge uftue und umezluege. Es isch e wunderschöni Zyt so. Published on 5. November 2015 by Pädu Wäger
Mir hei uf Ricardo es TrippTrapp für d’Laura ersteigeret, es ganz es Spezieus wie sech het usegsteut – ersteigeret vo Sir Roger Moores Schwiegertochter, sy sicher Bond-Enkuching druffe ghocket. Published on 4. November 2015 by Pädu Wäger
D’Sandra isch ihres chline Schwösterli cho bsueche und het d’Laura ganz schnäu i ds’Herz gschlosse. Published on 3. November 2015 by Pädu Wäger
Sie isch da! D’Laura Lyanna isch hüt Abe am 23:43 gebore worde. Üsi Freud isch riesig! Published on 2. November 2015 by Pädu Wäger
Mie hei ume eis e Bsuech bim Frouarzt gmacht u hei e Blick uf Pfupf gworfe. Sie entwicklet sech sehr guet was üs sehr freut. Ah, d’Sandra het bim Ultraschaue dörfe häufe und em Doktor de gar 2-3 mau zviu ufem Computer umedrückt :) Published on 11. September 2015 by Pädu Wäger
I ha hüt bim Frouenarzt der Zuckertest müesse mache, wo si luege öb öppe e Schwangerschaftsdiabetes da isch. Glücklecherwis bini o dismau wider ohni Diabetes dervo cho :) Published on 12. August 2015 by Manu
D Sandra und ig sy hüt mau wider bim Frouenarzt gsy. Es isch zwar nur e chlini Ungersuechig gsy. I erster Linie ischs drum gange, d Härztön vo Pfupf ds Lose. Es isch ömu aues irornig mit üsem Bebe. Published on 24. Juli 2015 by Manu
Mir sy aui zäme bim Frouearzt gsy u hei gluegt u gstuunet wie wit Pfupf isch (mä erkennt scho so viu), und hei derbi o grad erfahre, dass mir es zwoits Töchterli, bzw es Schwösterli, überchöme. Päpu bliebt Hahn im Korb :) Published on 19. Juni 2015 by Pädu Wäger