Familie Wäger

Nach langer Abstinenz bini endlich wieder i Gnuss vo Hockey cho. Leider mit gmischte Resultet… Wenn o dr’klarer Sieg a üs isch 🙂

November 24, 2012
Da gö Grosseutere-Freude richtig los. Ds’Mami chunnt usem Schwärme nid use u dr’Brösi freut sech o scho uf si neue Name „Grösi“ 🙂

November 23, 2012
Es git e neui Kategorie „Aschi“ woni o rückwirkend no erfasst ha wieni die Zyt erlebt ha.

November 22, 2012
Mir hei üs hüt geeiniget ufe Name wo üse Nachwuchs treit solang mir no nid wüsse wases git. Mir nennes Aschi.

November 22, 2012
Hüt bini richtig guet us de Fädere cho und so trotz viu Verchehr churz nach de haube 8i ir Bude gsi.

November 21, 2012
Nachere Wuche mit viu Gheimnis und emne usbuechete Wuchenend hani itz o dr’Blog chönne aktualisiere.

November 19, 2012
Mir überchöme Nachwuchs! Und sit diesem Wuchenend isches offiziell u endlech kes Gheimnis meh wome muess luege was me seit.

November 18, 2012
D’Überraschigs-Party für ds’Gabi isch sehr guet glunge. Sie het sehr verduzt usgseh wo sie isch i Ruum cho u aui Gäst i traditioneller Chleidig uf se hei gwartet.

Update: Faus öpper sis Foto möcht entfernt ha, gäbet eifach churz Bscheid. De nimmenis wieder drab.

November 16, 2012
Mi zwoit Bsuech bim Frouearzt. Es isch ungloublech was meh scho aues erkennt!

November 16, 2012
Mir hei für Gabi Moors 30. Geburi es Chinder-Büechli mit integriertem Gschenk-Guetschin bastlet.

Da sowou d’Manu aus o ig nid so Fan si bluti Guetschine z’verschenke hei mir üs entschiede es chlises Gschichtli z’erfinde wo vom Gabi u ihrem Hobby handlet und so o grad dr’Zweck vom Guetschin erklärt. Mir si gspannt uf ds’erschte Fotobuech wo entsteit.

November 15, 2012