Familie Wäger

Mir si bi Sterrys zumne Kafi ga verbiluege. Dr’Ste geits wieder sichtbar besser, da bini sehr froh drüber.

November 14, 2012
Nachdems mir isch glunge e Typo3-Patch z’ersteue hani üser Chunde-Installatione dütlech effizienter uf die aktuellsti Version chönne update.

November 13, 2012
Chami da nume aschliesse, isch e super Sunnti gsi … u i bi immer no satt vom Raclette 😉

November 11, 2012
Hüt isch e Wunderbare Sunnti gsi. Mir si zum Brunche iglade worde bi Moors. Drufabe hei mir zäme bi Kafi u Bier ihres neue Brettspiu usprobiert (Jäger der Nacht) – es sehr es glungnigs Spiu mit viu Nervechitzu. Nachdem mir no zäme si ga loufe heimer dr gmeinsam Tag miteme feine Raclette abgschlosse.

November 11, 2012
Und erneut hets e Platin-Trophäe gä bi mir. Diesmau isches „LEGO – Pirates of the Caribbean“.

November 9, 2012
Mir hei es Agebot übercho für ne Werkstatt ire ehemalige Schrinerei in Heiligeschwendi. Und das grad bim erste Druck vom Inserat, wow!

November 8, 2012
Mir si wieder d’Ste ga bsueche ir Insu. Es geit ihre scho wieder besser u vorauem cha sie morn wieder hei!

November 7, 2012
D’Stüürbehörde het mi informiert, dass sie mir wei e schöni Summe Stüüre zrügg gä. Da sägeni gwüss nid nei =)

November 5, 2012
D’Joëlle u dr’Mano si verbi cho zum gmeinsam grille (im November *hihi*) und när dr’Match luege.

Dr’Match hätt sech durchus besser chönne entwickle… 🙁

November 3, 2012
Uf mire Suechi nachere richtig geile Läderjagge bini bi „Leder Mavip“ in Wabere fündig worde.

November 3, 2012