Familie Wäger

Hmmmm…. das isch mir aso jetz o no nie passiert… 😮

Dezember 11, 2017
Mit Urs u Sara am Tigers-Match

Dr’Urs u d’Sara si beidi ir Hockey-Schueu vo de SCL Tigers und hei ir Pouse vom Match Langnou gäge Ambri e Sponsorelouf gha vor aune Fans. I ha die Glägeheit gnutzt und bi mit Eggimaas dr Match ga luege. Und botz hei, hani grad e Match usgsuecht! Es totau vo 13 Gou hei mir chönne…

Dezember 9, 2017
Mir hei e Schneemaa boue

Da mir richtig schön Schnee hei gha im Garte, bini mit de Töchtere use und mir hei zäme ä Schneemaa boue. Üse Nachbar, dr’Köbu, het so Freud gha, dass er am Abe no regumässig chli isch ga Wasser druf sprütze, damit er veriiset und so besser gwappnet isch gäge Räge.

Dezember 9, 2017
Dr BitCoin het 10’000 €-Grenze überwunde

Das geit grad recht ab mit de Cryptowährige (BitCoin und so). I ha diese Früehlig o chli öppis i verschiedeni Coins investiert/spekuliert u das Gäut het sech zwüschezytlech verdrüfacht.

Dezember 6, 2017
SCB gwinnt dr erschte CHL Viertufinau

Nachdems die letschte Matche nid grad überragend gloffe isch für d’Mutze, hei sis ume gschafft zrügg uf’d Siegerstrass. Imne doch mit Emotione gspickte Viurtufinau-Spiu ir Champions Hockey League, hei d’Mutze dr amtierend schwedisch Leader mit 3:2 chönne besiege und hei sech so guet ufgsteut für ds Rückspiu nächscht Wuche.

Dezember 5, 2017
Brunche bi John u Sandra

Nur wenigi Tage nacheme feine Znacht mit Gabi u Mike, si mir bi John u Sandra iglade gsy zumne usgiebige Brunch. Nachdem mir üs d’Büüch ar üppige Uswau vougschlage hei, si mir aui no chli zäme ga spaziere u mir hei glehrt, dasses nume wenigi Minute näbe ihrer Wohnig usgseht wie viu witer ufem Land…

Dezember 3, 2017
Fein ga Ässe mit Gabi u Mike

Mir vier hei dieses Jahr scho mehrfach versuecht gmeinsam e Abe z’finge zum zäme fein ga z’ässe. Leider hei üser Termine nid wöue zämepasse, oder es isch sehr churzfristig öppis derzwüsche cho. Aber itz (ändlech) het’s klappet – mir si bi Gabis Tante u ihrem Maa im Waldrandbeizli in Aeschle ga ässe. Dert isst mä…

November 30, 2017
Der erscht Schnee

Di Nacht hets rächt möge Schneie. Es isch zwar o scho wider ä Teu dervo gschmouze… u bis de aui ihri Winterchleidig hei zäme gha, isch du de o scho 11i gsy. I cha mit Schnee nid so vieu afaa, aber d Meitschi heis i vöue Züg gnosse.

November 30, 2017
Verein Thuner Spiutreff Phönix

Leider hört ds Team vom Thuner Spiulade Phönix afangs nächscht Jahr uf. Da mir aber ä igschworni Gmeinschaft si, organisiere mir üs itz aus Verein u verastaute d’Spiuäbete unger däm Banner. Im Moment muess aues no chli Forme anä (Statute, Website, Ämtli); aber sobauds klarer isch wär-wie-was-wo chani o besser informiere für auie wo sech…

November 29, 2017
Advent, advent…

Mir hei hüt Bsuech vo Marianne und Brösi gha. Sy hei üs e wunderschöne Advents-Chranz verbibracht. Di si jedes Jahr toll die Chränz 🙂 u mir freue üs natürlech ufe 1. Advent um de s erschte Cherzli chönne adszünde.

November 26, 2017