Mir sy scho chli irri Schaf. Mi Nachbar Köbu und ig hei üs bereit erklärt amne witere Nachbar bim Zügle z’höufe und d’Mannschaft z’verpflege.
Zu däm Zweck hei mir churz nach Mitternacht agfange 5 Kilo Fleisch zu Pulled Pork, und witeri 2.5 Kilo zu Pulled Beef z’grille.
Üsi Laura het jetz o zwöi Cherzli ufem Chueche dörfe usblase 🙂
Sy het es tolls Fescht dörfe fiire. Es hei vieu Lüt a si dänkt und si het ihre Plousch gha.
Nachdäm ig jetz Schaffe, möcht ig mir es Outo für üs ‚Meitschi‘ zuechetue. Das wo villech chönnt es Thema wärde, isch ä Alfa Romeo 146. Düe mer mau d’Probefahrt abwarte.
I bi nid diä wo vieu Selfies macht, aber zwüschdüre chas durchus luschtig sy. Bi disne Selfies sy drü Jahr derzwüsche.
Wöu Pädu und ig ungloublech stouz uf d’Sandra sy, wöu sie sit de Ferie gar ke Windle meh het, hei mir üs öppis überleit um sie chly ds Belohne.
Si het hüt ihri erschti Chino-Vorstellig dörfe erläbe. ,My little Pony‘ het sie durchus fasziniert 🙂
U ig bi o froh gsy, dases so guet gloffe isch – wierd öppe ab jetz immer mau wider öppis ds Luege gäh.
I freue mi immer wider, weni vom Schaffe hei chume und gseh wi mis Mami mit dä Ching baschtlet het.
Di schöne Herbscht-Biuder hani doch glatt grad müesse ufhänke füre Herbscht izlüte. Gfaut mer sehr 🙂
Nachdäms jetz öppe Päpu-Stuhl und Mami-Stuhl het gäh (Schnidersitz und s Chind hockt dri für d Schueh azlegge) gits jetz o der Sandra-Stuhl… er isch auerdings no nid so komfortabu 😉
Juhuu, i ha der Job übercho. Hüt hani o scho grad mi erscht Arbeitstag gha. I bi grad sehr happy 🙂