Familie Wäger

D’Laura cha ja cheibe gwungerig luege was dr’Päpu da am Handy macht – ganz sini Tochter we’s um Technik geit 🙂

März 6, 2016
I bi i ds’Vergnüege cho und ha wieder mau e 5-Spieler Partie vom Brettspiu „Game of Thrones“ chönne spiele. D’Mitspieler hei o die passende Attitude mitbracht und so hei mir üs verbündet u betroge, hei verhandlet, bedroht und generell Ränke gschmiedet.

März 5, 2016
I ha scho sehr lang ke Telefonzeue meh gseh (oder ömu wahrgno), drum bini hie fasch chli i Nostalgie verfaue.

Wie’s usgseht gits TaxCards immer no 🙂

März 5, 2016
Vor es paar Tag hani aui Brettspiu usgstoubet und uf Ricardo gsteut. Hüt hei d’Auktion geendet u i bi überrascht wieviu druf bote worde isch 🙂

März 4, 2016
I bi hüt chli später hei cho, was dr’Sandra schinbar recht het z’denke gä. Drum het sie extra no Öppis für mi gchochet und agrichtet. So härzig!

März 4, 2016
Wär hätt de das o gloubt. Dr’SCB wo mit Müeh u Not no id’Playoff cho isch, het em Quali-Sieger ZSC scho im erschte Spiu e Sieg abknöpft u dr’Heimvorteil errunge. Witer so, Giele!

März 3, 2016
Eifach chli umechaubere mit dr’Laura.

März 2, 2016
Die erschti Reis mit dr’Dachbox isch gmacht u i bi positiv überrascht wegem Sprit-Verbruch 😉 Dr’Board-Computer meint 7.2 Liter uf 100 Km – primär Autobahn mit 120.

Februar 26, 2016
Sit wenige Tage faht d’Sandra afa bhoupte „Mami/Päpu het gseit i darf“. Sie muess aber no chli dranne schaffe u besser luege, dass die gnennti Person nid grad näbe dranne steit 🙂

Februar 24, 2016
Üsi soebe beendeti Partie vo Pandemie Legacy isch a Spannig chum z’überbiete. Dr’Sieg isch uf derart uf dr’Kippi gsy, dass mir nume ke einzigi Charte meh hätte dörfe ufdecke… Aber so sy mir siegriich bliebe u hei d’Menschheit o im Juni (Story-Kampagne) grettet.

Februar 22, 2016