Familie Wäger

I ha im Chäuer es Bäbi us mire Chindheit fürekramet – da d Sandra geng so freud het amne settige Bäbi i der Müettereberatig. Sit i der Sandra ha s Bäbi häregäh u ig ihre ha gseit, si dörfs bruche u söu guet druf ufpasse, het si ä nöii ,Fründin‘ 😉 so düe di zwöi o öppe mau zäme Büechli aluege…

April 3, 2016
Üser Töchtere chöi ja so lieb sy zäme. Oschön z’gseh wie d’Laura vor Sandra scho viu abluegt.

April 1, 2016
Wüu ig i de vergangene Tage regumässig chli länger (z’lang) bügle, het d’Sandra e neui Wortkreation erfunge: „Päpu tuet wieder späterle.“

März 31, 2016
D’Sandra het dieses Jahr kes Osternäschtli zum Sueche gha daheime – mir hei grad dr’Osterhaas säuber gfange 🙂

Härzleche Dank a Grosi u Grösi für ~2.5 kg Osterhaas

März 27, 2016
I ha für d’Sandra hinech mau es chly angers Vorabeprogramm gha. Mir hei gmeinsam paar Eier bemaut. Ds Resultat laat sech durchus la zeige.

März 25, 2016
Bis jetzt klappts wunderbar mit Laura’s neuem Bett. Si het schinbar nid so Problem wach is Bett gleit ds wärde und när allei ischlafe. U wesi de am Morge oder nachem Mittagspfüsu ufwacht, ligt si meischtens eher der quer wäg i ihrem Näschtli.

März 25, 2016
Itz gugg sech öpper de SCB a, die spiele wie ne kehrte Händsche. Die hütigi Partie isch äusserst spannend und attraktiv gsy zum zueluege und am Schluss hei d’Mutze o dr’Sieg errunge – gar nid unverdient muess mä säge, sie hei viu für ds’Spiu gmacht dütlech attraktiver gspiut aus syt langem.

März 24, 2016
Mir hei hüt ume eis das wunderbare Wätter gnosse. D Sandra freut sech scho jetz, wes de wider warm gnue isch zum richtig chosle. Zur Zyt muess haut s Seifepläterli länge.

März 24, 2016
D’Laura het ds’nächscht grössere Bett übercho u het sech vo Afang a wohl gfüehlt dinne. D’Sandra het mir iifrig ghoufe bim zämeboue u de o grad aui wichtige Spiusache für d’Laura verbi bracht 🙂

März 21, 2016
I bi hüt mit üsne Modis es Fährtli zur Post go mache. O wes chly äng het usgseh hinger drinn, hei sis ömu rächt gnosse 🙂

März 21, 2016