Familie Wäger

Mir sy hüt bi Mischu’s Mami (d‘ Susi) iglade gsy, wöu Mischu si Geburi het dörfe fiire. Nomau aues Liebe und Guete vo üs vierne.

April 27, 2016
I bi mit de Ching bepackt (Snaggli und a der Hand) richtig Bethlehem greist u ha äxtra d‘ Zugverbindug gno, dass mer vo Thun uf Bärn is Spieuabteu hei chönne. D’Sandra wo das bis jetz no nid gkennt het, isch natürlech aus grossi Rutsch-Liebhabere wahnsinnig begeischteret gsy 🙂

April 27, 2016
I ha mau wider mi DH Termin bim Zahni hinger mi bracht. U i bi wi jedes Jahr froh, dass dä Termin im Kaländer aus erledigt erschint.

April 26, 2016
Es isch scho ume Zyt fürne Bsuech bi der Chinderärzti. D‘ Laura het vous Programm gha, mit wääge (7360 gramm), mässe (65cm Körper, 43 cm Chopf) u gigsli mache. U o d’Sandra het ume eis mit dörfe. D’Sandra het nomau müesse ä Tescht mache wägem 3D gseh u dismau isch aues guet gsy. U bi Lauras ungersuechig het si ganz nach dörfe derbihocke und zueluege. Das het ihre schono so gfaue.

April 25, 2016
D’Sandra het ihres Pischi hüt säuber agleit, auerdings gseht’s chli angers us aus we mir tüe 🙂

April 21, 2016
I ha gester a Sandra’s Bäbi ändlech e aständegi Nuggichetti bastlet. S‘ erschte Bändeli woni mir Läbtig gchnüpft ha – u es het spass gmacht 🙂

April 19, 2016
Mini chlyni Hushauthiuf… 🙂

Sie hiuft zum Teu wosi nume cha… Choche, Wösch sortiere u zämelegge, suge, putze…. Leider bini so nid grad schneuer mit Hushaute… 😁

April 18, 2016
D’Laura het hüt z’Mittag ihre erscht Brei dörfe ässe. Si het ca. 10-15 gramm möge probiere vom Rüebli-Härdöpfu-Brei.

April 16, 2016
I ha mi Geburtstag sehr gnosse u möcht mi nomau bedanke bi wuch aune wo irgend ire Art a mi denkt hei hüt.

April 15, 2016
D‘ Sandra het mängisch so luschtegi Sätz wosi seit 🙂 Nach em Bade, het si mi gfragt: Mami, du chasch mir mit äm Föhn d Haar wider warm mache?

April 14, 2016