Familie Wäger

D’Sandra het mir hüt erklärt dass ihres Bäbi „truurig isch wüu’s nid darf fouge“. Auso ganz ehrlech, i finge so Ussage eifach nume härzig u köstlech, o wes zum Teil Seich isch wo ke Sinn macht. Oder drum grad bsungers.

Juni 17, 2016
Hüt hei mer im MuKi-Turne der Abschluss gha. Das heisst, aui hei öppis mitbracht u mir hei Picknickt u es het di ganz Familie chönne mitcho. Jetz isch Pouse mitem Turne bis mitti Ougschte.

Juni 16, 2016
Hüt hei d’Girls und ig rächt es Programm gha. Mit Kömmerle, uf Thun mitem Bus für Lauras ID ds mache u wider retour, es Bsüechli im Kafi woni gschaffet ha und zu gueter Letscht schön lange Ufenthaut ufem grosse Spieuplatz bi der Schueu.

Juni 15, 2016
D’Sandra het mir hüt verzeut dass sie mis Bad putzt het, speter hani vor Manu no erfahre, dass o mini Zahnbürste isch putzt worde… Na, da bini aber mau gspannt :)

Juni 14, 2016
Chürzlech bini über es Rezept gstouperet wie mä sich säuber eifach cha Beef Jerky mache. Das Wuchenend isches so wit gsy, u itz hange d’Bitze im Ofe u werde dörrt.

Juni 12, 2016
D’Sandra het am 32. Heimberger Giele- u Meitlilouf mitgmacht, ir Kategorie Bambini het sie so 300 Meter müesse seckle.

Bi de Chlinschte het jewius e Eltere-Teil dörfe mitseckle.

Juni 11, 2016
Gotte Ste (Sandras Gotte m) u dr’Jerry sy üs cho bsueche und hei sech la überzüge vo mine Fähigkeite us Schweine-Rippchen lecker Znacht zuez’bereite 🙂

Juni 5, 2016
I wierde geng besser mit em Zöpfle 🙂 mit Sandras fiine Haar isches schono so usefordernd.

Juni 5, 2016
Syt hüt cha d’Laura richtig am Tisch hocke mit üs. Es isch no chli waggelig, aber sie freut sech sehr dass sie itz meh cha teilnä; und o d’Sandra freut sech o sehr cha sie itz besser mit dr’Schwester löle…

Juni 4, 2016
Es isch ungloublech wi schnäu die Ching wachse. Bim hütige Termin vor Müettereberatig hei mer festgsteut, dass d’Sandra scho 96,5 cm u d’Laura 69 cm isch. U zäme bringe sie scho über 20 kg uf d’Waag (14 & 8).

Juni 3, 2016