Familie Wäger

D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.

Juli 3, 2016
I ha hüt vom Pädu zu üsem 10 jährige Jubiläum ä wunderschöne Bluemestruss übercho. 🙂

Juli 1, 2016
D’Sandra isch bim Grosi i de Ferie u die Glägeheit zu Wort z’cho het d’Laura umgehend gnutzt.

Juni 28, 2016
Bim Znacht ässe het d’Laura plötzlech agfange „Gugus, Dada“ z’spiele mit ihrem Nuschi. Da hei mir natürlech ghoufe mitspiele. MEHR ANZEIGEN

Juni 26, 2016
I ha soebe es Video gseh wo mi lut het la uselache. Die Parodie vom Intro vor Fernseh-Serie „Game of Thrones“ isch uf 90er-Jahr gmacht und triffts wunderbar ufe Punkt – köstlech!

Juni 24, 2016
Isch das herrlechs Wätter gsy! Mir hei hüt no s Grosi ds Bsuech gha u der räscht vom Nami het d‘ Sandra im Bassin verbracht.

Juni 23, 2016
Auso, für dass es ufem Uswiszäntr het gheisse, am 28.6. chöm de d’ID vo der Laura, sy sie extreeem tifig gsy. Hüt isch die scho ir Post gsy.

Juni 21, 2016
D’Laura robbt fang rächt im Wohnzimmer umenang. Vo Sandras Stüehli und Chuchi wierd sie regumässig magisch azoge.

Juni 20, 2016
Trotz em verregnete Wuchenend, hani mi a Grill gsteut u ume kilowys (~ 2.7 kg) SpareRibs gmacht für Monika, Ueli u üs. I ha derbi e neue Rezeptur probiert wo guet isch acho (persönlech fingeni se nid glich guet wie die Bisherigi).

Juni 19, 2016
I gloub da muess i nümm vieu derzue säge. Sie liebts haut eifach 🙂

https://youtu.be/La__vghH01g

Juni 18, 2016