Familie Wäger

Dr’John u sini Partnerin Sandra sy üs no grad im abtrende Jahr cho bsueche. Mir hei guet zäme taflet, dorfet u o es Müh gügelet.

Dezember 29, 2015
I ha i mim Umfäud chli PC-Support gmacht dieses Jahr und ha itz grad dr’zwoit Tag in Folge Honorar übercho derfür. Das git es guets Gfüeu we d’Arbeit gschätzt wird u het mi bsungers gfreut wüu ig’s nid erwartet ha.

Dezember 28, 2015
Hüt hei mer e Familieusflug zum Chinderarzt gmacht, wöu beidi Töchtere id Kontroue hei müesse. D‘ Sandra isch mittlerwile jetz o scho 13,6 kg und 92,5 cm gross. U bir Laura hei mer 58 cm und 5kg 90 gramm gmässe.

Dezember 28, 2015
Mir sy mit dr’Familie Moor uf Heimeschwand ueche ga brunche u hei so schöns Wetter bi super Ussicht chönne gniesse. Glichzytig heino grad Gotte u Götti, sowie Gotte- u Götti-Meitschi chönne ihrer Gschenk übergä.

Dezember 28, 2015
U no grad einisch hei mir bi üs zu Raclette iglade. Diesmau hei mir mit dr’ganze Site vor Manu zäme gfyret, was zure ordentleche Päckli-Sammlig gfüehrt het (obwou mir unger üs ja scho hei beschenkt).

Dezember 26, 2015
D’Laura macht zünftig Fortschritte – sie het itz erlickt, dass sie das hangende Stofftier säuber cha astubse und när bambelet’s u rasslet’s.

Dezember 25, 2015
Zum Wiehnachts-Fescht sy mis Mami u dr’Brösi zu üs cho u gmeinsam hei mir e gmüetleche Abe miteme feine Raclette verbracht.

Dezember 24, 2015
Mir hei Sandras Hochbett no chli erwiteret und en Art Vorhäng dra ghänkt wo us dr’ungere Etage es Spiu-Hüsli mache. D’Sandra het cheibe Freud dranne u ladet üs immer wieder i ebefaus drunger z’schnagge.

Dezember 23, 2015
So, e erschti Bastlete mit de Chetteglieder hani gschafft, und derbi e mengi Respekt entwicklet für die wo es kompletts Chettehemd säuber mache…

Dä bitz hie isch ca 30cm läng und 20 cm breit.

Dezember 22, 2015
Nachdem i üse Wiehnachtsboum ir Stube ufgsteut ha, het d’Bohne iri LEGO ghout und e chlinere Boum bastlet wüu sie bim Grosse ja nid wird ufemöge zum schmücke.

Dezember 22, 2015