Familie Wäger

Mir hei bereits üses erschte Wiehnachtsfescht bi mim Mami und em Brösi in Schenkon dörfe fyre. Es isch schön gsy u d’Sandra het sech riesig gfreut über irer Gschenkli.

Dezember 19, 2015
Ferie! Dies Jahr isch für mi fertig mit bügle, de ersch 2016 ume 🙂

Dezember 18, 2015
I ha chürzlech wieder amne Ring-Tusch für Brettspiu mitgmacht u bi itze die ertuschte Spiu i mim Postfach ga abhole. Itz hei mir 9 Spiu daheime wo mir no bie gspiut hei… 🙂

Dezember 15, 2015
Es isch e erschti Lieferig vo üser Mittuauter-Usrüstig itroffe. I cha itz afa Chettehemd bastle u d’Manu üebt fang mit Schiud u Schwert.

Dezember 14, 2015
I bi hüt mit der Laura bire Osteopathin gsy. D‘ Hebamme het mir das empfohle, da d’Laura immer mau wider chly mit Chrämpfli ds kämpfe het (am Abe geng meh). Es isch sehr interessant gsy, zuedsluege, wie die Frou s ‚Glichgwicht‘ wider chly härgsteut het. Und d‘ Laura het sehr ufmerksam mitgmacht.

Dezember 11, 2015
Es isch härzig, wie sech d‘ Sandra über ihre Adventskaländer freut u sech jedes Mau ganz lieb fürs Päckli bedankt.

Dezember 11, 2015
D‘ Marianne het mir ihres Brätzeli-Ise usglehnt. D‘ Sandra und ig heis am Dsischtig mau usprobiert. Für mis erschte Mau Brätzele, si sie rächt guet usecho. Auerdings isch die erschti Ladig scho fasch ufgässe, muess auso sicher no Nachschueb häre 🙂

Dezember 10, 2015
Eifach öppis zum schmunzle 😉

Dezember 7, 2015
Obwou bereits Dezember isch, hei mir dr’Grill fürepackt und säuber Burger gmacht mit Haguhans-Burger vom Metzg (die sy ca 150 g pro Fleisch). Het richtig geili Burger gä wo so dick sy worde dass Chiefer-Usrenk-Gfahr bestande het 🙂

Dezember 5, 2015
I finges schön wie sech üser Töchtere scho itz so guet zäme verstöh. Mir hoffe natürlech, dass das no lang so wird bliebe (zur Schonig vo de eigete Nerve :)).

Dezember 3, 2015