Familie Wäger

I bi mit dr’Bohne ga ichoufe und bi bir Kasse agsproche worde und ha Lob erhaute: „Schön, mau wieder e normale Name zghöre für nes Ching, u nid so Öppis moderns wo niemer weiss wie schrybe“. Made my day 🙂

No es paar chlini Infos zu dere Person: er isch männlech gsy, knapp jünger aus ig und schynbar o am plane für Familie über-nächscht Jahr.

November 18, 2015
(Gotte) Gabi, aues Liebe u Guete zum Geburtstag. Es het gfägt bi euch z’fyre und uf di azstosse.

November 17, 2015
Chinder-Wysheite: „We sie wach isch, wecke mir se“ 🙂

November 16, 2015
Angers aus bir Sandra het sech Lauras Buchnabu-Zipferl lang gwehrt, bis er hüt endlech abgheit isch. Itz luege mir, dass o d’Laura e schöne Buchnabu überchunnt wie ne d’Sandra het.

November 15, 2015
Ds’Gotti Nina (vor Laura) het dr’wyt Weg uf sech gno us dr’Ostschwyz zum ihres Gotte-Meitschi cho z’bsueche. Mir hei üs guet ungerhaute u o d’Töchtere verstöh sech sehr guet mit dr’Nina.

November 14, 2015
Syt wenige Tag tuet d’Sandra itze o Stimme imitiere und faht so o afa rede für ihri Stofftierli 🙂 Und glich wie bir Manu u mir wird o ihri Stimm höcher we sie emne Bäbi/Tierli e Stimm verleiht.

November 13, 2015
Mir sy u stouz uf d’Sandra, wie guet sie ihre Part vom grössere Schwösterli übernoh het. Sie wott überau häufe und derbi sy. U mir versueche ihre o möglechst weni Grund ds gäh zum ifersüchtig sy.

November 12, 2015
I ha es chlises Video chönne mache wie d’Bohne mit ihrne Bäbi spiut u chüderlet. E seuteni Freud woni schüsch nid glich mitüberchume.

November 11, 2015
Hüt het d’Laura ds erschte Mau dörfe bade. Sie hets gnosse wie verruckt, aus gäbs nüt schöneres 🙂

November 11, 2015
U no grad es Päckli meh isch acho bi üs – die erscht Bio-Food us dr’Region-Täsche wo mir neu abonniert hei. Mir hei itz Rüebli i 3 Farbe, Häppere, 3 verschiedeni Salät, Broccoli, Fenchu, Öpfle und e haube Chürbis vo Nofle (usem Gürbetal).

November 10, 2015