Zum Inhalt springen

Familie Wäger

Brot und Spiele 😉

Ds lange Plane vo Lükus Pouterabe het sech glohnt. Er gseht cheibe fesch us i syre Football-Usrüstig und er isch o üsserscht erfougrich bim Verchouf vo Züg zum sech sis Znacht z’verdiene. Bim Lasertag spiele sy mir de aber doch aui ordentlech i ds’Schwitze cho und hei chönne im Bitz umeballere wie die Hohle (o wenn nid aui glich guet treffe :))

Juli 11, 2015
Was für e wunderbar heisse Tag! I bi zur Abchüelig i Sandras Pool ghocket während sie e riese Freud het gha em Päpu Wasser a z’sprütze.

Juli 5, 2015
Bi beschtem Wätter hei ds’Coni Oesch (itz nüm) u dr’Fli Carrera im schöne Schloss Spiez ghürate. Nomau härzlechi Gratulation euch beidne, gniesset’s und bliebet wie dir syt.

Juli 4, 2015
Hüt isch d’Bohne us ihrne Churzferie bi Grosi u Grösi wieder hei cho. Es hei aui sehr glücklech gwürkt und d’Grosi-Grossching Zyt isch vo aune sehr gnosse worde.

Juli 3, 2015
D’Sandra macht im Moment grad churz Ferie bim Grosi und so hei d’Manu und ig i dene hektische Zyte es paar Momente für üs zum quatsche und üs ustusche. Das tuet äbe scho guet.

So sy mir bispiuswys o i Badi eifach nume zum chli da liege und Sunne gniesse, ohne das mä geng muess luege und dr’chline Usrissere nachejufle 🙂

Juli 2, 2015
Nach fasch 3 Monet Pouse hani wieder mau es „A Game of Thrones“ Brettspiu gwünscht zum Spiele. Wie scho bim letschte Mau het’s mi sehr möge fessle, und bsungers we e sech grössere Kampf abzeichnet (oder mä vomne Gägner überrascht wird) stigt dr’Puls grad nomau meh 🙂

Diesmau hei mir e extra 4-Spieler Variante gspiut wo vorauem d’Siegbedingige chehrt und d’Spiuzyt sött verchürze (was üs überhoupt nid glunge isch). Im Basisspiu spiut mä bis öpper 7 Festige oder Burge unger sire Kontrolle het (oder maximau 10 Runde); hie het jede Spieler verschiedeni Ziel wo Pünkt gäbe we mä se cha erfülle (sie gäbe o nid…

Juni 29, 2015
Useme Gespräch mit dr’Manu sy mir uf ds’Thema 10-Fingersystem und schnäu tippe cho. Das het mi doch de grad wunger gno und i ha e entsprechende Test absolviert miteme Resultat wo mi säuber überrascht het.

Für aui wo o gärn würde usprobiere wie schnäu (und genau) sie sy: www.zehnfinger.com

Juni 29, 2015
Mir hei Bsuech übercho vo mire Gotte und ihrem Maa wo ds’Wuchenend am Interlakener Trucker festival sy gsy. Mir hei dr’ganz Namitag bi beschtem Wetter chönne dusehocke u quatsche.

I ha’s sehr gnosse, haut vorauem o wüu d’Distanz zwüsche de Wohnorte so gross isch, dass mä sech nume 2-3 mau gseht im Jahr.

Juni 28, 2015
Nachdem mir ir letschte Zyt d’Sandra immer mau wieder uf ds’Häfi gsetzt hei, isch hüt ds’erschte Mau o öppis dri.

Juni 25, 2015
Ds’Bäbi-Bettli us Manu’s Chindheit isch bir Sandra dr’Renner. D’Bäbi müesse itz zwar fasch 24 Stung pro Tag pfuuse, aber ds’Bett wird immer hin u her gschleipft damit’s ir Nechi isch/blibt.

Juni 23, 2015

←Vorherige Seite

1 … 38 39 40 41 42 … 108

Nächste Seite→

Stolz präsentiert von WordPress